Ég hef stundað þetta hjá flestum gestapóum, sérstaklega eftir að þeir fóru að kalla mig fýlupúka. Afgangurinn þorir greinilega ekki að kjafta frá.

Spilar þú ef til vill mjög háværa músík?

Blautur pappír ... úff. Ekki vil ég vita hvað viðkomandi notaði til að bleyta hann.

Hvílík endemis vitleysa!

Nei.. ég spila reyndar tónlist, en mamma fer oft að sofa kannski um 11, og þá lækka ég alltaf og hef hana mjög lágt spilaða.

Ætli einhverjir strætóbílstjórar gangi fram hjá glugganum þínum þegar þeir koma heim af vaktinni sinni?

Kannski er þetta einhver sem hatar móður þína?

Haha.. það stórefa ég.. þar sem að móðir mín er enganvegin manneskja sem eignast óvini.

Stendur eitthvað á blöðunum? Er Fréttablaðið nokkuð hætt að koma í lúguna?

Stendur ekkert á þessu.. hefur verið of blautt.
Þetta eru 6 samtals.. sem gerir 3 fyrir hvort kvöld.

3 er náttúrulega ákaflega merkilega tala í t.d. íslendingasögunum og biblíunni

Kemur þrjóturinn alltaf á sama tíma segirðu? Gætirðu ekki samið við einhvern vin þinn um að fylgjast með mannaferðum í götunni þinni á þessum tíma, svo lítið beri á? Svona 'stakeout'?

Júlía: Við vorum einmitt nokkur að ræða um þetta í skólanum í dag. Það væri kannski hugmynd.
Ég man ekki hvort að fyrsta skiptið var á lau eða sun. en hann kom allavega í gær.. svo það getur vel verið að hann endurtaki leikinn í kvöld.

Þú ættir í alvöru að fá hóp af vinum þínum til að sitja fyrir ófétinu. Svona eiga menn ekki að komast upp með.

En er þetta e.t.v. um kvöld/nótt, þjer nátthrafn og gluggi yðar sá eini þar sem ljós er kveikt er þetta gerist ?

Þarna eru sannkallaðir bellibragðarefir á ferð. Hættu að spekúlera í þessu og sökktu þér í málverkið.

Vladimir: Ég er ekki alveg viss.. Það gæti líka verið ljós í herbergi systur minnar, og ef til vill í kjallaraíbúðinni í kringum miðnætti, plús hinm húsunum í kring... klukkan er ekki orðin það seint.. ég sjálf er yfirleitt á leiðinni að sofa.
Auk þess er ég með dregið fyrir gluggana.. en það er svosem möguleiki að ljósið sjáist á milli rifanna.
Gallinn er bara að þar sem ég er á 2-3 hæð (kjallaraíbúð, fyrsta hæð og svo mín hæð) ..þá skil ég ekki afhverji einhver ætti að leggja þetta á sig.. svona hátt upp.

Móðir þín fer að 'sofa' kl. 11 eh? Hver veit nema þetta sé móðir þín. Ekki treysta neinum.

Þetta er furðulegt háttarlag. Því verður ekki neitað. Hefur viðkomandi séð þig koma út í gluggann til að tékka á þessum köstum? Hafa köstin haldið áfram eftir það?

Þú ættir endilega að láta félaga/ættingja fylgjast með í nótt. Ekki hika við að segja foreldrum þínum frá þessu. Fátt er t.d. hættulegra og meira fráhrindandi en reiður faðir að vernda dóttur sína.

Kannski er bragðarefurinn misheppnaður Rómeó sem er að reyna að fanga athygli þína svo þú farir út á svalir svo hann geti sungið amorssöngva til þín með banjó. Veit ekki. Aðalatriðið er að láta svona fífl ekki raska ró þinni. Svo ég vitni í Kris Kristófersson: Don't let the bastards get you down.

Ég kíkti út um gluggann í fyrra skiptið.. sá engan.. kíkti tvisvar ef ég man rétt.. því að köstin héldu áfram.
Ég viðurkenni það að ég myndi ekki vilja vera karlmaður að hitta pabba minn reiðann að reyna að vernda mig... pabbi varð einu sinni brjálaður og hótaði að snúa nokkra stráka úr hálsliðinum ef þeir myndu svosem einu snini snerta mig..
Hinsvegar þá býr pabbi minn ekki lengur hérna.. og hann býr frekar langt í burtu, þannig að hann er eiginlega ekki valkostur akkúrat núna.

Ég þori eiginlega ekki út á svalir, ef það er það sem viðkomandi vill að ég geri, því ég vil ekki eiga það á hættu að fá blauta klessu framan í mig.

Taktu með þér nokkra grjóthnullunga og geymdu þá á svölunum. Þá gætir þú svarað fyrir þig. Eða jafnvel vatnsfötu. Útvegaðu þér vasaljós og vertu bara tilbúin. Um leið og sletta kemur á glugga, skjótast út með ljósið leita viðkomandi uppi og síðan hella yfir.

Er ekki best að kalla út heimavarnaliðið?

Þú gætir líka bara farið út á svalir og notað hótunina sem pabbi þinn notaði. Ég held að ég yrði hræddari við konu sem öskraði á mig að hún ætlaði að snúa mig úr hálsliðnum en karl. Þetta væri tilvalið í bland við síðasta ráð Hakuchi.

Hvað ef stalkerinn er héðan af Lútnum?

Þá er illt í efni, þá getur viðkomandi verið að gefa ráð sem hjálpa honum að vinna þennan furðulega eltingaleik. Væri reyndar góð hugmynd í einhverja heimskulega hollívúd-plotmynd.

Ég hef nokkra reynslu af rannsóknum af þessu tagi frá mínum yngri árum og get bent þér á ólíkt þægilegri valkost en að láta vini og kunningja sitja úti og bíða - það myndi aðeins fæla viðkomandi frá.
Hafðu kveikt bjart ljós inni hjá þér þegar kvöldið rennur upp. Farðu svo inn í annað herbergi með glugga sem vísar í sömu átt en hafðu þar allt slökkt. Ef þú heldur þig meira en fet fyrir innan rúðuna getur þú fylgst með öllu úti án þess að til þín sjáist.

Já. Vá! hvað ef Játningin hans ENTER er rétt, og við þurfum að velja á milli Tigru og Baggalústs [Horfir brostnum skelfingar augum í tölvuskerminn]

Ég held mig við þá kenningu að þarna fari fram óhefðbundinn útburður Fréttablaðsins. Blöðullinn hefur verið að horfa á amrískt bíó og er að bera út á hjóli í rigningu.

Ég legg til að gildran hans Ólafs verði notuð...

Eini gallinn við gildru Ólafs er, eins og fyrr sagði, að þá bý ég á efstu hæð í þríbýli, og ef ég stend feti frá glugganum, þá sé ég bara alls ekki neitt hvað er í gangi á jörðinni.
Ég þarf að klessa mér alveg upp við gluggann til að sjá á jörðina.
Svo vil ég minna á að hér eru svalir sem viðkomandi getur falið sig undir.

Settu svartan nælonsokk á hausinn, þá geturðu kíkt.

Er hann kominn?

Nú ef allt bregst þá er ég tilbúin að standa strípuð á svölunum hjá þér eina kvöldstund eða svo það ætti að nægja til að fæla fjandann sjálfan á brott ef því væri að skipta

gerðist þetta aftur í nótt? Ég skal fela mig leður klæddan í skugga og stökva á hann og ógna með göngustaf.

ÉG veit enn betra. Er til bíll á heimilinu? Ef svo er, leggðu honum svolítið frá húsinu en samt það nálægt að þú getir séð hver er á ferð og nappað viðkomandi. Þetta er ráð sem virkar! Og svona for the record þá var einhver að vísa í strætóbílstjóra á leiðinni heim af vaktinni... þeir eru sjaldnast á ferðinni fyrr en 00.45.

næst þegar þetta gerist skaltu stökkva með myndavélina út um gluggann og smella af nokkrum myndum. (Má ekki vera gler á milli)
Jafnvel þó ekkert sjáist á myndunum þá hugsar viðkomandi sig kannski tvisvar um áður en hann heldur þessu áfram.
Ef þú vilt vera drastíkari mæli ég með að fela þig þar sem þú getur séð hvar viðkomandi fer um og hafðu með þér loftriffil.

Ívar: Svalirnar mínar vísa út í bakgarðinn, svo að ég sæi ekkert á bíl.

Eða bara lofa kvikindinu kasta pappír. Þetta er klassískur TC, vill athygli og þrífst af henni. Þegar hann/hún er búinn að kasta eins og 18 kílóum af pappír án þess að fá nokkurt svar þá gefst hann upp... já eða klifrar upp. Þar kemur hann að læstum dyrum, svo hann brýtur þær og sker sig á hendi um leið. Í reiði sinni yfir að hafa skorið á sér hendina ræðst hann inn, öskrandi og æpandi. Við það stekkur þú til og reynir að hlaupa út úr herberginu og ... hmmmm... lofaðu mér að huxa þetta aðeins betur.

-