17/10/08 15:01
Það tjóar víst lítið að lapp’ uppá þig

sem lastmælgi stundar hér inni.

Þá gagnast nú betur að ganga á svig

hjá grátlegri presónu þinni.

28/10/08 09:13
Ásjónan er ósómi og út úr korti.

Ávallt sinnir einu sporti:

Innistæðulausu gorti.

29/10/08 18:24
Níðskældinn nautnaseggur,

nýtur í skítnum að vaða.

Í knérunninn krónískt heggur

karlskrögginn þyrfti að baða.

3/11/08 21:11
Er furða þótt froskur snappi

í flóði af þvílíku krappi?

Sem notaður tíðatappi

er tútinn af ógeði Lappi.

14/12/08 21:59
Fastur er Lappi í fyrsta gír,

ferlega tæpur á sinni.

Þykir mér ýlda sú æði rýr

sem aðeins nær að skinni.

2/3/09 20:24
Það er líkt og hann ráðalaus rappi

runur af máttlausu krappi.

Þetta vandræðaskáld

sem af vitleysu er dáld-

il vorkunn. Vesalings Lappi.

20/4/09 20:26
Að níða hann Lappa er löðurmennanna starf,

svo létt sem það myndi nú reynast að hæða garminn.

Það er skítlegt að leggja í einelti örvasa skarf.

Eigi skal lasta maðkinn sem smýgur um þarminn.

19/11/09 21:38
Ég áður fyrr sem aðdáandi unni Zappa.

En nú er ég að lesa Lappa

og langar mest í sjó að vappa.

21/12/09 15:04
Hingað mætir einatt inn

ágætt fólk til ljóðaþinga.

En Lappi, hvar er þokki þinn?

Þú ert verstur Íslendinga!

30/12/09 22:04
Menn óska þess í öllum sínum bænum,

um allan heim er troðin sérhver kirkja,

að ekki seinna' en strax, í einum grænum,

erkifólið Lappi hætti' að yrkja.

9/2/10 20:18
Lappi, þú minnir á hlandforarhyl,

hornös sem fretandi stamar.

Líklegast þessvegna lögðu þeir til

að Lapparnir hétu nú Samar.

15/3/10 22:04
Siðblindur saurlífisdóni.

Sífullur hlandbuxnaróni.

Svo lýsi ég Lappa.

Mun líkast til klappa

er líftóran líður úr flóni.

1/4/10 07:11
Þú heldur að það séu skapandi skrif

að skíta út vini þína.

Ó,að hann Drottinn nú drægi' úr þér rif

og dýfði í endagörn sína.

Ellegar byrli þér endanlegt lyf,

svo endi nú loksins vor pína.

Hvílík umhverfinsvernd! Hvílík allsherjarþrif!

Hvílíkt öngþveiti meðal svína!

9/4/10 15:02
Að einelta þig finnst mér ekki neitt gaman lengur,

það einungis dregur mann niður í svínaríið

og tíkarlegt níðið sem tamið þú hefur þér drengur.

Að taka þig, væri þó gustuk, í bakaríið.

9/9/10 20:24
Allt þitt, Lappi, yfirklór,

afl mér sýnist skorta.

Því mannsorpsins í mykjuflór

minnstur ertu lorta.

30/9/10 09:19
Terrorista veit ég vappa

um vísnaþræði. Oft má líta

skáldagáfulausan Lappa

líkan sauði – úti að skíta.

3/10/10 11:25
Sú ljóðagerð er lapþunnt bull

og lin kartöflustappa,

sem rennur eins og rotið sull

úr raufinni á Lappa.

2/11/10 22:35
Kaunum slegið kynjadýr,

kleprað, hreistrað, loðið.

Í laupinn þar sem Lappi býr

er látnum einum boðið.

3/11/10 19:33
Forðum tíð eitt sinn ég hrósaði happi

er hundspott sem átti ég drapst vegna heimsku.

Skemmtileg hending, sá hét einmitt Lappi,

hræið var urðað – svo féll hann í gleymsku.

20/11/10 02:10
Eins og mella dönsk á götu gravid,

gengur lappi aftur – hláleg vofa.

En við sem hötum bæði hann og Davíð,
höllum okkur. Búumst til að sofa.

22/11/10 00:53
Á fótsnyrtistofunni er rekið upp ramarkvein

er rambar inn daunillur lappi með fótamein:

Táfýlu, fótsveppi, kartnögl og klof upp að höku,

klepra af taði, líkþorn. Og frumsamda stöku.