Í tilefni af umræðum sem spruttu af mínu síðasta félaxriti
Það er orðið morgunljóst. Það þarf að leiðrétta þennan misskilning, greiða úr ruglinu og minnka flækjustigið í Íslenskunni. Það er náttúrlega ekki hægt að hafa þetta svona lengur.
Dæmi: Jóakim og Hexía de Trix hafa bætt svolítið á sig í góðærinu og ákveða að taka þátt í Reykjavíkurmaraþoninu til að brenna umfram birgðum af fitu. Því miður verður hlaupið Jóakim algerlega ofviða og hann fær slag og deyr. Sorgleg saga en því miður vel möguleg.
Í upphafi sögunnar erum við að tala um tvær endur sem eru vissulega keppendur í tvöfaldri merkingu þess orðs. Endur með keppi sem keppa. Allt ósköp rökrétt og skiljanlegt.
Það ruglar síðan söguna verulega þegar Jóakim gefur upp öndina, því að þá breytast þau bæði í anda. Hann í svona venjulegan draug en Hexía breytist í keppanda. Hvað á þetta að fyrirstilla að breyta Hexíu í anda? Er ekki nógu erfitt fyrir hana að burðast með aukakílóin sem önd, þó hún þurfi ekki að rogast með þau sem loftkennd vera sem hefur enga burði í svoleiðis fituflutninga? Mátti hún ekki bara vera keppönd áfram? Ég bara spyr. Og hvaða önd varð Jóakim að gefa upp til þess að geta kvatt hérvistina, og hvernig fór sú uppgjöf fram? Var það uppgjöf eins og í blaki eða eins og í tennis? Kvennatennis jafnvel? Það myndi reyndar skýra stunurnar sem heyrðust þegar hann dó. Og hvaða önd var það sem hann gaf upp? Var það Andrés eða bara eitthvað nóboddí af tjörninni?
Þegar ein stutt harmsaga veldur þvílíku rugli þá finnst mér kominn tími til að spyrna við fótum. Og að sjálfsögðu er til lausn. Héðan í frá hættum við að blanda sama fuglum og framliðnum. Eða keppnisíþróttum og vaxtarlagi þátttakenda...
Þetta er einfalt : Ein önd - margar endur. Einn andi - margir andar. Þá hefði dæmið litið þannig út: Hexía og Jóakim bættu á sig í góðærinu og voru orðnar frekar bústnar endur, - keppendur. Þau ákveða að taka þátt í gönuhlaupinu og eru því hvort fyrir sig 1 keppandi eða 2 keppandar samtals. Kimi koxar á sprettinum og gefur upp andann, þ.m.t. keppnisandann en ekki einhverja önd. Málið leyst og sagan búin og Andrés sleppur við að vera barinn á fiðraðan botninn með tennisspaða af stynjandi Jóakim í líki Venusar Williams...
Hexia líkur síðan hlaupinu með heiðri og sóma og er eftir það hvorki keppönd eða keppandi. Það er jú mjög megrandi fyrir litla önd að hlaupa rúma 42 km...
Mögnuð pæling... En ef þú rekst á Venus Williams með spaðann sinn máttu alveg skila til hennar að hún megi lemja botninn á mér með spaðanum sínum...
Af hverju eru þau sett í þessa erfiðu stöðu að rogast með aukakílóin í loftkenndu formi? Getum við ekki fundið leið til að þau geti tekið þátt í gönuhlaupinu í föstu formi?
Eins og ástandið er núna þá er það bara Hexía sem lendir í því að draugast með aukakílóin í andans líki. Saman voru þau kepp-endur en þegar að Kimi hrökk uppaf varð hún orðin ein og því kepp-andi en ekki kepp-önd, eins og eðlilegast væri að kalla önd með aukakíló.
Ég er alveg ras(s)andi...
Hins vegar er ég löngu búinn að lemja botninn á Andrési.
Nei þau lenda bæði í loftlausu formi eftir einföldun.
"Þau ákveða að taka þátt í gönuhlaupinu og eru því hvort fyrir sig 1 keppandi eða 2 keppandar samtals."
Einnig eru Frakkar skakkir miðað við íbúa Baggalútíu því jörðin er eigi flöt.
Krossa: Þar er ég að tala um að þau ætla að keppa. Andinn í kepp-andi er líklega keppnisandinn. Það er ekki verið að tala um að þau séu með keppi. Eftir einföldun eru það skýrt aðskilið... Keppandi = Sá sem tekur þátt í keppni. Keppönd = Önd með fitukeppi.
Þessi mynd er augljósega ekki tekin í hlaupinu heldur þegar Hexía bauð Jóka í kakó eftir hlaupið.