Lítil hugleiðing um stöðu kúgaðs minnihluta í hinum "siðmenntaða" heimi.<br />
Ég hef ekki nennt að lesa mannréttindsasáttmála SÞ. Ég er samt nokk viss um að í honum er einhvert ákvæði þess efnis að það eigi allir menn að vera frjálsir til að velja sér það starf sem hugur þeirra stefnir til. Og það er ég alveg klár á líka að það er bannað að þvinga börn í starfsþjálfun strax í frumbernsku. En því miður er það svo alltaf fæðast ógæfusöm börn, sem um leið og þau geta farið að ganga, eru skóluð til að gera það sama og pabbi þeirra eða mamma vinnur við. Og þessi veslings börn eiga ekkert val. Þau eru þvinguð til að læra ákveðið starf og það er svo slæmt, að þjóðfélagið samþykkir þessi mannréttindabrot og spáir ekkert í það hversu rangt þetta er. Ef fólk er spurt út í þessi mál yppir það bara öxlum og svarar bara: "Þetta hefur alltaf verið svona". Og hafi fólk haldið að þetta viðgangist bara í einhverjum barbaríum eins og Hollandi eða Spáni, þá skjátlast því verulega. Nei, ó nei, þessi ósómi viðgengst bæði á Bretlandseyjum og norðurlöndunum og mörgum fleiri löndum.
Þar eru krakkakríli sem aldrei fá um frjálst höfuð strokið. Það kann vel að vera að það sé vel gert við þessi grey í mat og drykk, enda er það vissara svo að krakkaræflarnir endist til að læra sína rullu og geti tekið við fjölskyldustarfinu þegar foreldrið hrekkur upp af.
Vissulega er starfið tilkomumikið og vekur athygli þegar þar að kemur en það breytir ekki þeirri staðreynd að það eru mannréttindabrot framin á prinsum og prinsessum í heimi hér.
Ó, ég hélt þú værir að tala um bændur og ætlaði að fara að mótmæla.
En, jú, það er sniðugra að hafa forseta.
Ég hélt þú værir að tala um stjórnmálamenn á Íslandi. En þetta er auðvitað hörmungarástand á þessum konungbornu greyjum.
Jóakim: Það er ekki fyrr en krakkaræflarnir eru komnir til vits og ára. að hlustað er á afsalshugmyndir úr þeirra munni. Þá er barnaþrælkunin búin að viðgangast í mörg ár. Jarmi: Ertu Kóngur? Mér hefur alltaf fundist þú vera meiri svona Gosi.
geta þeir sem hafa ekkert vit á hugtökum eins og mál - og tjáningarfrelsi vinsamlegast og kurteisislega haldið sig frá slíkri umræðu?
Takk fyrir hr. Huksi - og eins og flest önnur yðra félagsrita - tómt kjaftæði.