Bagga-Ís hefur keypt 5,01% hlut í sjeik með banana og karamellubragði.

Er það fjárfestingafélag í eigu Bagga-Íss sem kaupir hlutinn, alls 37,1 milljón dropa á genginu 690 böggur á dropa. Kaupverðið er því 25.599 milljónir bagga. Með kaupunum verður Bagga-Ís þriðji stærsti hluthafinn í sjeiknum. Sjeikinn tilheyrir konungsfjölskyldunni í nýrri íslínu frá Qat-Ís sem hefur staðið í ísframleiðslu frá níundu öld, að því er kemur fram á vef Bagga-Íss.

Félagið sem kaupir í sjeiknum heitir Ís-kaup ehf. og er það að fullu í eigu Bagga-Íss. Er haft eftir stjórn Bagga-Íss í tilkynningu að fylgst hafi verið náið með sjeiknum í einhvern tíma og þeir telji sjeikinn góðan fjárfestingakost. Staða sjeiksins sé sterk og að blandarateymi Qat-Ís hafi staðið sig vel í því ölduróti sem einkennir sjeikframleiðslu nú. Litið sé á fjárfestinguna í sjeiknum sem langtíma fjárfestingu.

Þetta er ekki fyrsta fjárfesting Bagga-Íss í vörum frá Qat-Ís en í sumar keypti fjárfestingafélag í þeirra eigu 12,6% hlut í hreinum ís í brauðformi. Þegar tilkynnt var um þau kaup kom fram að ísinn, sem unninn er úr emúa-mjólk, sé í uppáhaldi hjá Ísólfi Sósyni, stjórnarformanni Bagga-Íss en hann hefur verið borinn fram á árshátíðum stjórnar Bagga-Íss undanfarin ár.

Annar stærsti hluthafinn í sjeiknum er Bagga-Flug með 9,88% hlut. Ísólfur Sóson er einn aðaleigandi Bagga-Flugs, félags sem var stofnað í kringum sölu ríkisstjórnar Baggalútíu á Ís-Flugi.