Baggalútur

— GESTAPÓ —

The Shrike

Heiðursgestur.

Sálmur - 4/12/06

Einn til...

Paul McCartney gerði þessu lagi þokkaleg skil, en ég sé þetta nú sem dúet Vímusar og Jarma...

Mig skaust þú yfir skjóli
í skelfilegum byl,
og þig hlaða skal ég hóli
ef þú hellir einum til.

Að drekka vökvann dýra
mér djúpan veitir yl.
Þér skal hlotnast brosið hýra
ef þú hellir einum til.

Aftur í glasið gjarnan vil ég,
gefðu mér hálfa lögg.
Tæmdist nú flaskan? það tæpast skil ég!
Taktu nú á þig rögg.

Nú sést hér ekki sála,
við sitjum upp við þil,
og nú skal ég við þig skála
ef þú skenkir mér einn til.

(18 af 21)

4/12/06 03:02

Salka

Eru Vímus og Jarmi sambýlingar og vinir (drykkjufélagar)?

4/12/06 03:02

krossgata

Vinalegt.

4/12/06 04:00

Jarmi

Ég þakka kærlega fyrir mig, þetta er glæsilegt.

Salka: nei, hann Vímus vinur minn myndi slá mig í rot ef hann þyrfti að búa með mér meira en einn dag. Og það vil ég ekki.

4/12/06 04:00

Z. Natan Ó. Jónatanz

Góður.
Skál xT, en gang til.

4/12/06 04:01

Jóakim Aðalönd

Skál!

4/12/06 04:02

Vladimir Fuckov

Skál ! [Sýpur á fagurbláu asnahanastjeli]

4/12/06 05:00

Kondensatorinn

Gott mál.

4/12/06 15:01

hvurslags

Vinaböndin vel ég ræki
veita mér þau yl.
Þess vegna ég skal nú Skræki
skenkja einum til.

31/10/07 23:01

Billi bilaði

Endirinn var ekki alveg réttur miðað við upprunalega textann, og ég lagaði það nokkru síðar - en hef gleymt að koma leiðréttingunni hingað:

Nú sést hér ekki sála,
við sitjum upp við þil,
nú kemur annað ei til mála
en bara einni til að kála,
og því skal ég við þig skála
ef þú skenkir mér einn til. (Einn til.)

The Shrike:

Fæðing hér: 22/9/06 15:17
Síðast á ferli: 7/10/15 16:24
Innlegg: 1541