Það er ansi margur Íslendingurinn sem hefur undarlegan fettisma gagnvart frægum Íslendingum og almennt frægu fólki. Hversu mörg ykkar til dæmis eyddi óratíma í að greiða honum Magna "okkar" atkvæði í þeim ágætis sjónvarpsþætti rockstar Supernova? Ég kaus, ég kaus oft og mörgum sinnum.. enda nett klikkuð í toppstykkinu. En ég gekk ekki svo langt eins og margir aðrir að stilla tölvuna á Hawaii tíma, svo á Japan tíma, tungltíma og stærðfræðitíma. Er það ekki full langt gengið.

En raunverulegu frægðarfíklarnir eru þeir sem koma ekki smettinu upp úr séð og heyrt og hér og nú, les þetta eins og biblíu og trúir hverju orði eins og heilögum sannleik, reynir svo eftir fremsta megni að lifa eins og stjörnurnar í Hollywood. "Ó Guð!! Paris Hilton á svona peysu ég VERÐ að eiga eins". Ég er pottþétt á því að það þekkja allir að minnstakosti einn svona fíkil, það er bara spurning hvort að sá hinn sami sé ekki í felum með þennan óheilbrigða lífsstíl.
Það ættu að vera til samtök fyrir þetta fólk.. koma þessu upp á yfirborðið svo að það leiti sér hjálpar. FFF : Félag Frægðar Fíkla eða FSA : Fame Seekers Anonymous.

Ég voga mér samt ekki að reyna að telja mönnum í trú um að vera saklaus af skaðlegum blaðaflettingum, en það segir kannski sitt um ágæti þessara blaða að hápunkturinn finnst mér vera aulabrandararnir í séð og heyrt.