Um lífsins gagn og nauðsynjar.
Ef þynnkan þig mæðir að morgni
ég mæli með eindregið því,
að kneyfa af krafti á ný
og kverkarnar varast að þorni.
Það slæmt er að húka í horni
og hríðskjálfa þynnkunni í,
en brennivínsbokkan er hlý
og bráðlega trúi þér orni.
Þinn kraft færð úr neftóbakskorni
og hverfa þá hugarins ský.
Frá vonleysi veitir þér frí
sá vinurinn trausti og forni.
Þetta eru nú aldeilis gullkorn. Skál! Þú mátt eiga minn skammt af neftóbakinu.
Það er greinilegt að þar talar maður með reynslu. Flott kvæði og ekki síður spaklega mælt en hjá Hallgrími Péturs á sínum tíma.
Reyndar tala ég ekki af reynslu, þetta er bara almenn skynsemi. Sjálfur er ég ekkert fyrir þynnku og sleppi henni bara.
Vel ort eins og Útvarpsstjóra er von og vísa, þó aldrei hafi Riddatnn því miður komist um á lag með að þessi ósköp. Hryllir frekar og flökrar við áfengi daginn eftir. Riddara-Skál
Frá þínu útvarpi hljómar þetta næstum guðdómlega. En, virkar ekki. Er með Heiðglyrni í deild þarna.