Hér hafa ástarljóð verið áberandi undanfarna daga, er það sennilega Skabba Skrumara og þræði vikunnar að þakka. Ekki bjóst ég við að eiga eftir að yrkja kvæði í þessum dúr, en ég gerði það samt og hér er það.
Ef Værirðu belja á búinu mínu
byggið þú fengir úr silfursins skál.
Ég blessaða júgursins feitina fínu
færði á spena hvert einasta mál.
Ef værirðu gimbur í girðingu heima
ég gæfi þér ylvolga nýmjólk hvern dag,
og vetrarlangt myndi ég grænfóður geyma
og gefa þér daglega fyrir þinn hag.
Ef værirði hryssa í hesthúsi nýju
ég haglega kæmi þér fyrir, ég sver.
Þú fengir ein stóra og fallega stíu
og fínusta hána í jötu hjá þér.
En guði sé lof, þú ert gerðarleg kona,
þín glóandi ásýnd í myrkrinu skín.
Með hjartað í maganum veikburða vona
að verðir þú ljúfan að eilífu mín.
(11 af 19)
Já þú átt góða konu og ég vona að hún kunni að meta þetta fallega ljóð sem þú hefur ort til hennar
Alveg yndislega þjóðlegt, skemmtilegt og sérlega vel kveðið...Riddarakveðja.
Útvarpsstjóri hefur áður sýnt og sannað að hann er með listagott bragareyra, og sýnir það greinilega hér.
Frábært Útvarpsstjóri... ég tæki ofan hatt ef ég væri ekki búinn að týna honum... Skál
Ljóðaljóðin eru í stóru svörtu nýritskoðuðu bókinni, æfagömul ástarljóð og mjög falleg þó vanti rím og stuðla. Heilmikil sveitarómantík.
- Fæðing hér: 14/2/06 15:15
- Síðast á ferli: 8/12/20 14:02
- Innlegg: 10126
Útvarpsstjóri hóf starfsferil sinn sem skrifstofustjóri Rafmagnsveitna Ríkisins árið 1957. Vann síðan sem kennari frá sama ári til ársins 1965. Árið 1966 tók hann við Seyðisfjarðarprestakalli og gegndi því til ársins 1968. Hóf þá aftur kennslu í Danmörku, við Lýðháskólann í Skálholti og Háskóla Íslands. Árið 1981 tók hann við starfi þjóðgarðsvarðar og prests á Þingvöllum og gegndi því til ársins 1991 er hann tók við starfi útvarpsstjóra.
Hlaut á ævi sinni ýmsar viðurkenningar, m.a. finnsku Hvítu Rósina, Riddarakross sænsku Norðstjörnunnar, Luxemborgarorðuna Ordre se Meride, hina spænsku orðu Ísabellu hinnar kaþólsku, Officer of the British Empire orðuna, Riddarakross hinnar frönsku orðu Heiðursfylkingar og Riddarakross hinnar íslensku Fálkaorðu.