Jamm, og versta er að svona hræðsluáróður gerir ekkert nema gera eiturlyf meira spennandi í augum uppreisnagjarna unglinga.

Ekki má gleyma sænsku vaxtakúrfunni frá 1974 sem öll íslensk börn eru mæld eftir fyrstu árin.

Er það semsagt bara hræðsluáróður að vímuefnin séu hættuleg? <lætur ekki hræða sig og fær sér í nös>

Það er margsannað og vísindalega staðfest að 10 af hverjum 7 sem reykja, drekka eða dópa, drepast fyrr eða síðar.
Þetta er orðréttt tilvitnun í andsvör ónefnds bindindisfrömuðar á vímuvarnarfundi á Flateyri um miðjan 8. áratuginn.
Þessir menn ætla aldrei að læra

Neyslan er ekki til staðar af því áróður er misheppnaður. Neysla verður alltaf til staðar - það er bara eitthvað i mannskepnunni. Svo er það Vímus, ekki er hann að hætta að vera efnafræðingur ríkisins.

Annars held ég að það sé ákaflega mismunandi hvað gengur í fólk af svona upplýsinga-/fræðsluefni. Sumir lesa frekar heimildaritgerðaformið aðrir eitthvað óformlegra.

Þetta er sjálfsagt góð & gild pæling hjá höfundi.
Hinsvegar eru þessar hugrenningar á köflum ekki nógu skilmerkilega framsettar, einkum fyrir eilítið ruglingslega setningaskipan höfundar. Frásögnin af bæklingnum virkar fyrir vikið dálítið óðamála, virðist skorta einhverskonar yfirvegun. Ég hefði gjarnan haft áhuga á því að fá gleggri hugmynd um innihald bæklingsins, t.d. með tilvitnunum.

Ennfremur er hér heldur meira um innsláttar- og ritvillur en æskilegt getur talist í gagnrýnum pistli sem ætlað er að vekja fólk til umhugsunar um alvarleg málefni. Vonandi hljómar þetta ekki einsog eitthvað leiðindahjal.
[ Potar vinsamlega í Gaz með litlu kústskafti ]

Tek undir orð Grágríms og Gaz að sjálfsögðu líka.

Og ég tek undir með Znata.
Nennti ekki að lesa pistilinn til enda vegna þess að hann er of ruglingslegur.

Hló samt að ummælum Huxa og held að 10 af 10 bindindisfrömuðum drepist fyrr eða síðar [ljómar upp]

Ég er sammála Znata. Ég náði bara alls ekki samhenginu í þessu.

Samkvæmt nýjustu sálfræðirannsóknum virkar svona hræðslu eða ógeðisáróður bara hreint ekkert.
Hvað ætli þessum krökkum sé ekki sama þótt þau fái krabbamein (sbr sígarettuhræðsluáróður) þegar þau eru orðin fimmtug? Í þeirra augum er lífið hvort sem er búið þegar þau eru orðin það gömul!
Hvað ætli þeim sé ekki sama um hvort að það sé smá séns á því að þetta og hitt gæti gerst einhvertíman seinna í heilanum á þeim? Það er ekki núna. Krakkar og unglingar lifa flest að stórum hluta í núinu.
Ef þið ætluðuð að koma með áróður sem virkaði á unglinga væri nær að segja t.d: "Sígarettur gera þig andfúlan og þar af leiðandi muntu ekki ná þér í kvenmann á ballinu um helgina." (eða karlmann, eftir því hvort viðkomandi væri að tala við karl eða konu, samkynhneigða eða gagnkynhneigða)

Hér er skemmtileg interaktív fræðsla um vímuefni (áfengi meðtalið) og skaðsemi þeirra. Töluvert meira spennandi en bæklingur eða vísindaritgerð því þetta er teiknimynd. Með músum.

http://learn.genetics.utah.edu/units/addiction/drugs/mouse.cfm

Og ég tek undir með Znata + Nornini
Nennti ekki að lesa pistilinn til enda vegna þess að hann er of ruglingslegur.

En mig grunar að 1 Fjólublár Fír með hormottu eigi eftir að láta ljós sitt skína

Tak undir með Znata og Norninni. Er þetta dæmigerður stíll fyrir nemendur í VMA?

Þið ættuð að senda skólastjóra num bréf og kvarta yfir sóðalegri umgengni af hálfu þess aðila sem kom með bæklinginn. Kannski andskotast viðkomandi til að mæta með bæklingastand næst.

Það myndi enginn heilvita maður ganga svona um vinnustaðinn hjá öðru fólki.

Restina af pistlinum náði ég ekki að skilja til fullnustu.

Það er nú samt alveg staðreynd að maður þarf að vera eitthvað nett vangefinn til að prufa eiturlyf, hvað sem öllum bæklingum líður. Sama finnst mér um tóbak. Alla mína tíð hef ég vitað um skaðsemi þess, og þess vegna er það mitt álit að þeir sem hafa byrjað að reykja eftir c.a 1985 séu ekki alveg heilir í höfði sér. Þeir vita ALLIR betur. Það væri kanski ráð að þú skrifaðir bækling Gaz. Þú gætir bara leyst vínuefnavandan. Fengir örugglega Fálkaorðuna.

Eh... Nermal... þú vilt sem sagt meina að þú gerir aldrei neitt sem er óskynsamlegt?

Vissir þú þá t.d. ekki að drykkja er skaðleg? Eða ertu bara vangefinn eins og við hin?

Ég er nokkuð viss um að hausinn á mér skerpist bara með árunum og hef ég þó skóflað í mig þvílíku magni af dópi um ævina að það mundi fylla nokkra 40 feta gáma.
Það er aðeins ein tegund eiturlyfja sem fær gáfuðustu menn til að líta út og hegða sér eins og þeir væru þroskaheftir. Þetta dóp getur þú fengið keypt í sérstökum verslunum sem íslenska ríkið rekur.
Ég þakka því guði fyrir að ég, svona vangefinn, öðlaðist vit sem fer vaxandi með hverjum skammti sem ég innbyrði. Halelúja!