Í dag komst ég að því að ég man meira og kann mikið meira en ég bjóst við.
Fyrst gerðum við svona prufu-háskóla-próf í sænsku og fékk ég mest rétt! Þrátt fyrir að vera sú manneskja í bekknum sem hafi verið hér skemst. 24 af 40 rétt. Ég skammaðist mín pínu í svona 20 sekúndur eða þangað til að ég heyrði að svíarnir við hliðina á mér voru að hneikslast yfir sér sjálfum og að hamast við að skamma sig og hvern annann. Feingu þeir þá aðeins 10-12 rétt svör. Svakalega leið mér vel og ég skammast mín ekkert fyrir að segja það. Hvílík víma að vera "betri".
Svo kom stærðfræðin. Eða, að vísu var hádegismatur þar á milli en samt. Stærðfræðikennarinn minn heitir Þóra. Ég flutti alla leið til Svíþjóðar til að finna góðan íslenskann stærðfræðikennara. Matte A eða stærðfræði A er semsakt "grunn" stærðfræði. Allt sem svíarnir læra í grunnskóla og pínu í viðbót. Ég er að taka matte B. Það er þá næsta stig í stærðfræðinni. Ég fæ að taka þetta af því að ég kann plús og mínus, margföldun og deilingu, og grunn algebru og svolítið í viðbót. Ég er búin að komast að því að ég er í réttum bekk en samt er hann svolítið léttur að byrja með. Til dæmis í dag þurfti ég að hjálpa öðrum nemandum í þeim bekk með að reikna prósentur og líkindareikning og mér leið eins og ég væri sú eina í okkar litla, þriggjamanna hóp sem fattaði út á hvað æfingin gekk. Smávægilega pirrandi, en samt.
Síðan kom enskan.
Ég er andskoti góð í ensku, get tjáð mig og skilið það mesta. En þessu bjóst ég bara eiginlega ekkert við. Ég sit í bekknum og þarf að passa mig að halda kjafti og leifa öðrum að "reyna" að svara áður en ég hjálpa kennaranum að leiðrétta fólk. Ég er orðin næstum svona aðstoðarkennari! Og ekki nóg með það, Chris (sem er enski enskukennarinn minn) sagði mér það í dag að það væri að öllum líkindum góð hugmynd ef ég gerði Enska B verkefni heima og kláraði svo að ég fái bæði ensku A og B "próf" þetta skólaárið. Það væri ekkert vandamál fyrir mig að gera þetta. Það væri barasta létt.

Ég er samt að spá í að þá næsta skólaár næla mér í Enska C prófið, þannig að ég sé búin með "alla" ensku sem hægt er að læra í sænsku framhaldsskólanámi. Þá get ég notað það ef ég tek einhverja kennaramenntun eða eitthvað, plús að mér finnst það gaman!