Mjög svo óreglulegar færslur úr hinni kynngimögnuðu dagbók Sloppsins.. "Bandingi á Ferð!"
Kæru Gestapóar, nær og fjær!
Núna síðasliðið föstudagskvöld, var haldið heljarinnar MiðnæturSveitasöngvaHódán, þar sem hin undurfrábæra Köntrísveit Baggalúts lék fyrir fullum sölum ásamt leynigestum.
Hélt Þarfagreinir "Þarfaþing" af því tilefni og bauð þeim er vildu koma og deila með sér kósý kvöldstund áður en herlegheitin byrjuðu.
Mætti undirritaður allsmeykur og feiminn á sinn fyrsta hitting þetta kvöld, en með mikilli innbyrtingu á frostlegi og opnum hjörtum Gestapóa, var feimnin ei lengi til staðar!
Á fyrra "Þarfaþing" mættu utan gestgjafans og undirritaðs, Tumi Tígur (hinn mikli), aulinn (með "skilríkin"), Bangsímon (rólyndisbangsinn) og Lærði-Geöff (þó nokkuð bókvit þar).
eigi man undirritaður eftir fleiri Gestapóum á fyrra þingi
Er fram liðu stundir og leið að Hódáni, var ákveðið að fara á tveimur jafnvöltum á Baggatorg, þó með stuttri viðdvöl í helli Tuma Tígurs, þar sem fyllt var á frostlögsbirgðir.
Er á Baggatorg var komið, ákváðu undirritaður og Tumi að stofna hinu frægu "Biðröð", en voru umsvifalaust reknir inn af þungvopnuðum vörðum Voru þeir á vegum Vladimirs??.
Eftir töfrandi og mikilfenglega innkomu undirritaðs og Tuma á dansgólfið valhoppað hönd í hönd hitti undirritaður enn fleiri Gestapóa, því á staðinn voru komin þau Heiðglyrnir og Anna Panna. aftur man undirritaður eigi eftir fleirum
Fljótlega bættist Tina St. Sebastian þó í hóp hinna útvöldu.
Hófst svo Hódán með pompi og prakt laust eftir miðnættið og þustu Gestapóar sem og aðrir gestir (nokkru seinna þó) út á dansgólf, þar sem djöflast var og öllum góðum látum látið með hléum þar til yfir lauk seint á þriðja tímanum. Enn voru Gestapóar þyrstir í frostlög og var því ákveðið að skakkalappast á hið síðara "Þarfaþing" það kvöldið! Þó gátu eigi allir séð sér fært að mæta á "Þarfaþingið", þar sem Lærði-Geöff og aulinn stöldruðu eigi lengi við á Hódáninu og hurfu á braut hönd í hönd!
Hitti undirritaður einnig og hristi spaða Enters og reyndi að kalla til Núma og Spesa, en var kæfður í frostlegi!
Eigi hefur undirritaður meira minni en svo að þetta er allt sem þessi kvöldstund geymir í minni!
En, nei Anna Panna mín, eigi hef ég gleymt þér elskan! Þó er gjöfin enn í vinnslu, en afhendist innan tíðar, þegar allt hefir verið upp fundið!
Hafi einhver frekari upplýsingar, smáatriði eða finnst of mikið af þeim, eru frjáls framlög upplýsinga sett inn hér að neðan!
Fram skal tekið fram að pistill þessi er skrifaður undir áhrifum neyslu frostlagar og "Ballantines" á rípít
Ég var þarna í huganum. Gleðilegt að heyra um Lærða og aulann, þessar fréttir verða umtalaðar á mínum vinnustað.
Já elsku tröllið mitt.. endilega látið oss vita af framvindu mála þarna í Sléttiefnaverkssmiðjunni!
Einnig komumst vjér að því að við erum frá sama stað! (samkvæmt Lærða)
Greinilegt að greddan er ennþá allsráðandi á Gestapóahittingum. Verð að fara að kíkja á svoleiðis.
Hurru nú, á að fara að gefa öðrum konum gjafir? Elskarðu mig ekki lengur! <snökkt>
"Upp komast svik um síðir" sagði einhver spekingurinn fyrr á öldum, en eigi er um slíkt að ræða í þetta skiptið, þar sem Anna Panna bað náðsamlegast um slopp, þar sem hún hafði aldrei fengið slíkan frá oss ástin mín! Aldrei mun mér detta í hug að svíkja yður! [hneigir sig djúpt og kyssir á hönd sinnar heittelskuðu]
"roðnar" Æ fyrirgefðu kæri Sloppur, ég mátti svossem vita að þú myndir ekki svíkja mig. Það er nú samt svo að þegar maður er langtímum fjarverandi grefur óöryggið um sig. "hleypur upp um háls slopps og gefur honum rembingsknús"
[Er rembingsknúsaður]
Aldrei mun ég svíkja þig ástin mín, því þrátt fyrir mikla fjarveru, eruð þér sú eina sem vjér munum reyna að vefja saman reipum!
Hvernig líst þér á að halda brúðkaup okkar brátt ástin mín?
[byrjar að plana]
Sé ekkert því til fyrirstöðu... en okkur vantar enn einhvern til að gefa okkur saman. Að heiðnum sið að sjálfsögðu.
Hann var að fylgja mér í leigubíl!
[Horfir flóttaleg í kringum sig, reynir að ná athygli af viðburðum kvöldsins með því að sína stærðarinnar vörtu á rassinum á sér]
[lætur glepjast af vörtunni] jedúddamía minn eini... [sækir glóandi skörung] Á ég að losa þig við þetta ?
[Verður hræddur við skörunginn]Er þetta hinn eini sanni??
Lætur þó eigi glepjast, þar sem aulinn og Lærði-Geöff töluðu "all mikið" saman morguninn eftir!
[sendiði mér einkapóst um atburðina!]
Hafa þeir er voru viðstaddir ekkert við þetta að athuga, þ.á.m. Lærði-Geöff?
Aulinn minn.. Þó svo þú skiljir ekki neitt, skiljum við, þau er vorum á staðnum allt saman! Við vonum bara að vartan sé eigi smitandi! [Finnur sér sóttvarnarbúninginn sinn og bendir sinni heittelskuðu á sinn]
Eigi getið þjér talist barn lengur, minn kæri auli, þar sem meydómur yðar er í mikilli hættu [miðað við "Æviágrip" yðar!]
En, á öðrum nótum... Hverja okkar slóstu aftur til riddara þetta kvöld, með Sverði yðar sem Tumi lét yður í té og gleymdist síðar á Baggatorgi?
Og til þeirra sem með oss voru kveld þetta.. Hvað gjörðum vjér við "MJÖLNI" er vjér fundum á leið oss til Baggatorgs??
Já, þess má geta að "rólyndisbangsinn" fór, án þess að kveðja, snemma heim með tveim huggulegum miðaldra konum sem hann tældi á tónleikunum. Þannig að ég var ekki alla tónleikana né heldur á seinna óþarfaþinginu.
Greddan leynist víðar en á Gestapó, get ég sagt ykkur. [Starir þegjandi út í loftið]
Það voru Þarfi, Lærði, Tumi, Sloppur og Bangsi... það er ég held.
Og meydómur minn verður ekki til umræðu hérna takk fyrir.
Já Bangsi, greddan leynist allstaðar.
Og Lærði er ekki til.
Já, þess má geta að rólyndisbangsinn hvarf mjög svo skyndilega; svo skyndilega að undirritaður tók eigi eftir því! [skammast sín mjög]
[Starir einnig út í loftið, en aðallega á þá, sem enn eiga eftir að svara fyrir sig!]
Sloppur! Þú gleymdir að minnast á það hvað aulinn var afskaplega kynþokkafull, glæsileg og virðuleg þetta kvöld!
Aulinn og Bangsímon!
Eigi má undirritaður segja neitt svoleiðis, þar sem vjér erum lofaðir! [hugsar hlýtt til Drífu sinnar]