Laugardagur 15. október 2005.

Kæri Bandingi.
Nú hef ég sko svolítið að segja þér. Nú er Öryggisfangelsið Höfn að stæla Atlantis, eða á leið undir vatn!

Almannavarnir í New Orleans hafa sent út neyðarkall vegna mikilla flóða í Öryggisfangelsinu Höfn. Er svo til allt fangelsið á kafi í vatni eftir miklar rigningar síðustu daga. Allar leiðir til og frá fangelsissvæðinu eru í sundur eða undir vatni og hafa allir trillufangaverðir, sem og fangar á fraktskipum verið settir í viðbragðsstöðu. Er vonast til að björgunaraðgerðir geti hafist núna á allra næstu árum, en nokkrir fangavarðanna búa utan múranna, þannig að óvíst er að sjófangar geti aðhafst nokkuð fyrr en búið er að kalla út Almannavarnaráð Baggalútíu.

Einnig er nú óttast að Osama Bin Laden, stríðsherra með meiru, hafi látist í flóðunum, en eru þetta óstaðfestar fregnir.

Myndin sem fylgir, er tekin af undirrituðum af einum af mjög fáum föngum sem fá ferðaleyfi. Sést hann hér á olíuflutningaskipi sínu. Er skipið á 83 tonnmetra beltum og standa þau ekki hátt upp úr.
Ætlar undirritaður að reyna að laumast út aftur eftir kvöldvöku, sem vegna aðstæðna verður haldin í forsetaflugvél Bandaríkjanna. Er ætlunin að hætta sér út í vatnselginn og reyna að ná frekari myndum af frækilegum björgunarafrekum Almannavarna Baggalútíu!

Þangað til næst!
Sloppur ‹fluttur upp í byssuturn, því klefinn er horfinn undir vatn.›