Dóttir öryggiskonunnar fékk póstkort frá Yoko Ono í gær. Tilefnið er verkefni sem leikskóli stúlkunnar kom að.
Ég vissi ekki hvert ég ætlaði, svo merkilegt fannst mér kortið. Mig langaði mest að taka niður málverkið af dvergnum fyrir ofan sófann og hengja póstkortið þar. Dóttirin tók það ekki í mál, hana langaði heldur að vatnslita á það.
Vatnslita á kort frá Yoko Ono. Mála á kort frá konunni sem Lennon elskaði. Krassa yfir stafi myndaða af konunni sem saumaði hjörtu í innanverðar buxur Lennons.
Það verður ekki málað á kortið, málverkið verður heldur ekki tekið niður. Kortið verður geymt á stássskápnum þar til mæðgur koma sér saman um afdrif þess.
Hmmmm. Yoko Ono er nú bara einhver kona úti í heimi. Er ekki dóttir öryggiskonunnar mikill listamaður?
[Alveg hneyksluð á öryggiskonunni að hefta svona listræna tjáningu barnsins]
hmmm segi ég nú líka, eins og krossgata. Persónulega finnst mér þau skötuhjú - og sér í lagi hún - sérdeilis ofmetin. Ef Lennon hefði lifað væri hann sennilega ekkert hærra skrifaður en aðrir popparar á ellilaunum. En þeir sem guðirnir elska deyja ungir - eða var það kannski ekki bara öfugt? Vil miklu frekar hafa listaverk eftir barn á ísskápnum en fjölfaldað PR kort frá kellingu hverrar helsta afrek í lífinu var að liggja í rúminu í viku og sauma hjörtu. Hrumpf.
Oho ja!
Margar konur elskudu Lennon en Yoko var su kona sem Lennon elskadi. Yndislega hun.
Fardu vel med kortid og ekki glata thvi. Ad dottir thin fai ad vatnslita a thad, thad er af og fra.
Til hamingju Carrie med dyrgripinn thinn og dottur thina. Ykkur a eftir ad semja vel thegar hun kemst til vits og ara.
Nei mín kæra Krumpa kannski Jóka en Lennon verður aldrei ofmetinn. þó að hann hafi verið fyllibytta og slagsmálahundur og í alla staði vandræðagemsi. þá var hann samt svo sérstakur listamaður að hann verður ekki borin saman við aðra poppara á eftirlaunum.
Húff, já ég var bara að sjá komment krumpu núna. Hjartanlega ósammála henni um Lennon. Ef hann hefði lifað þá væri hann á stalli, skör ofar en sykurfroðan Paul.
Ono má hins vegar eiga sig. Það er reyndar rétt hjá Carrie að hennar eina afrek var að snillingurinn Lennon elskaði hana.
Ég hef einmitt nokkrum sinnum tekið upp hanskann fyrir greyið Yoko. Hún getur ekki hafa verið alslæm fyrst meistari Lennon sá eitthvað í henni, það væri bara ekki að ganga upp.
Á E-Bay með kortið, og svo verslum við okkur blút og gerum okkur glaðan dag.
Ég bið þær sem vilja "sauma hjörtu í innanverðar buxur" mínar að stinga mig ekki.