— GESTAPÓ —
Lærði-Geöff
Nýgræðingur.
Pistlingur - 2/11/04
Úr Íran í Úran

Forsætisráðherran hér hægra megin ræðir við palestínskan formann samtakanna G.R.Í.N!(Gjörsamlega rústum Ísrael, Núna!)

Forsætisráðherra Íran tók sér stutt hlé frá andísraelskum kaffiborðsumræðum(í öðrum löndum heitir sá atburður samtal) stjórnarinnar í gær til þess að tilkynna að samþykkt hefði verið tillaga þess efnis að landið heiti héðan í frá Úran. Úranar vonast með þessu til að aðrar þjóðir heims muni hætta öllum afskiptum af kjarnorkustefnu landsins eða "troði sokk í´ða" eins forsætisráðherran orðaði það. Í framhaldinu hyggjast þeir sækja um einkaleyfi fyrir auðgun úrans á svipuðum grundvelli og Grikkir hafa nú einkaleyfi á Feta-osti og loðnu baki.

Stjórn Írlands sendi Úrönum stuðningsyfirlýsingu í gær og tilkynnti jafnframt að í kjölfarið væri þegar búið að samþykkja tillögu um að breyta nafni sínu í Úrland með öllum atkvæðum neðri deilda þingsins. Ekki náðist í forsætisráðherra landsins sökum tímaskekkju.

   (9 af 21)  
2/11/04 15:02

Þarfagreinir

Væri þá ekki við hæfi að breyta nafni Íslands í Úsland til samræmis?

2/11/04 15:02

Offari

Svo þegar efnahagur lagast verður til auðgað úran.
Takk fyrir,.

2/11/04 15:02

Bölverkur

Svo er það Tjallinn sem fretar á Arabíu, býr hann ekki í Fretlandi?

2/11/04 16:00

Jóakim Aðalönd

Ég hef sjaldan eða aldrei hlegið jafn mikið yfir nokkru félaxriti. Hafðu þökk fyrir það Geöff!

2/11/04 16:00

Litli Múi

Góður, takk fyrir þetta.

2/11/04 16:00

Nafni

Úsland? hvaða endemis þvaður er þetta í þér Þarfi, ég held að þú þurfir að fara í blóðskilun. Það kemur ekkert annað til greina en ...BAGGALÚTÍA.

2/11/04 16:01

fagri

Pistlingur þessi gerði mig að betri manni.
Ótrúlega frábært.

2/11/04 16:01

Sundlaugur Vatne

Góður, Geoff. Kitlar hláturtaugarnar.
Minnir mig á gamalt félagsrit um úranauðganir. Það er hrottafengið að nauðga úrum.

2/11/04 16:01

Goggurinn

Hmm, Baggalútúa?

2/11/04 16:01

Lærði-Geöff

Þakka ykkur fyrir þessi orð. Þess má geta að þegar tillaga þessi var borin fyrir íslenzka þingið þá sigu augabrúnir Halldórs niður fyrir hné. Því er ekki að vænta breytinga hérlendis.

Lærði-Geöff:
  • Fæðing hér: 23/9/05 11:23
  • Síðast á ferli: 29/4/06 15:55
  • Innlegg: 0
Fræðasvið:
Fann í vasanum spjald sem var mjög torlesið sökum mikils aldurs. Já eða það hafi farið gegnum þvottinn, en allavega einu 3 orðin sem ég náði að rýna í voru; ..fræðigrein, Prófessor við.., og svo ..natelwuhn..?? Hef ég tvo síðastliðna tungldaga velt um minn háls hver uppruni minn er.
Æviágrip:
Hefur ekki munað uppruna sinn frá því fyrir tveimur tungldögum síðan. Þá var Lærði-Geöff í þann mund að klófesta nótendarsýni úr lifandi steingerving. Vinnur nú hörðum höndum við að aðlaga hann íslenzkum þjóðfélagsaðstæðum. Við það verkefni er Geöff eða Hr. G (eða verðugi-L) á fullum styrk frá hinu svokallaða ríki (R.í.K.I. = Rannsóknarstofnun íslenzkra kjarnorkuvera innanlands). Dvelur hann á ystu nöf lífsskilyrða í þeirri mynd sem við þekkjum í dag. Myndir úr stjörnukíkjum benda eindregið til þess að þarna fari maður sem stundar pálbúskap og nýtir gjarnan umframafurðirnar til þess að gera sér glaðan dag.