Gamall maður gjammaði
góð ráð honum þakka
ritin inn ég rammaði
í rafmagnaðan pakka.
-----------------------------
Með vísindin að vopni hann
vildi bæta heiminn
ekki réttu verkin vann
virkilega gleyminn.
Hundrað manna hungursneyð
herjaði á landið
eins og skot sá augað leið
að endurnýta hlandið.
Bæting sem að bragð er af
betra en að svelta
öðlingurinn aur sinn gaf
öðrum til að melta.
Ekki vildi hætta hér
honum leiddist þófið
mengun alltof mikil er
minnkum reykjarkófið.
Í framleiðslu vex orsök ör
en ei má loka þeim
þá byggjum mikil blástursrör
og blásum út í geim.
Nornaveiðar, nauðganir,
náriðlar og annað,
ólöglegar auðganir,
allt er þetta bannað.
Með lögum skulum leyfa allt
látum fólki völdin
þá þverra glæpir þúsundfalt
og þögul verða kvöldin.
**********************
Vitringurinn virtist frá
vitleysingjabæli
enda karlinn lengi lá
lokaður á hæli.
En hvað þetta er vel gert hjá þér.
Hlustum á gamla fólkið.
Berum virðingu fyrir þeim og setum okkur í spor tíðaranda þeirra.
Það er í raun Professor Farnsworth sem veitti mér andagiftina að þessu sinni fyrir þá sem vita hver sá snillingur er.
Þakka ykkur fyrir og nei því miður offari, vitringur og vitfirringur er tvennt ólíkt.