Tekið af mbl.is
"Hver dúkka með sinn persónuleika
Dúkkur sem gleðja eru orð að sönnu. Það var glaðst við að búa þessar dúkkur til, við kynnum þær hér með gleði og þær gleðja vonandi þá sem kaupa þær eða fá þær gefins. Síðan kemur ágóðinn til með að gleðja þá sem njóta góðs af í uppbyggingu menntastarfsins í Gíneu-Bissá." Þetta sagði Stefán Ingi Stefánsson, framkvæmdastjóri Barnahjálpar Sameinuðu þjóðanna (UNICEF) á Íslandi, þegar verkefnið Dúkkur sem gleðja, samstarfsverkefni Kvenfélagasambands Íslands og UNICEF, var kynnt í gær. Hafa kvenfélagakonur um allt land handgert 800 dúkkur sem seldar verða til styrktar menntaverkefni í Gíneu-Bissá. Dúkkurnar eru einkar fjölbreyttar og ólíkar og því má segja að þær beri allar sinn persónuleika.

Öll fötin eru einnig handgerð og hefur mikið verið lagt í að gera þær eins glæsilegar og eigulegar og hægt er. Þá hafa þær allar fengið nafn og ber hver og ein þeirra merkimiða með nafni sínu og nafni þess kvenfélags sem gerði hana. Kostar hver dúkka 5.000 kr. "

Þvílíkar gleðifréttir sem þetta eru fyrir einmanna menn eins og mig. Þarna er kominn ný og endurbætt útgáfa af einföldu, nöktu, tilbreytingalausu plastdúkkunni sem hefur stytt mér stundir í gegnum árin. Ég hef fulla trú á því að þetta sé eins nálægt alvöru kvenmanni og lýsingin gefur til kynna. Þá er ekki slæmt að geta valið sér útlit og persónuleika eins og hægt er á rauða torginu í Amsterdam. Fyrir aðeins 5.000kr. geturðu tekið hana heim með þér og notið hennar allt þar til hún fer að leka. Þá sparar maður helling á því að kaupa sér bara kippu í ríkinu og fara heim með henni strax og hefja leik. Ekki er lengur þörf fyrir rándýrt þramm um bæinn í leit að einhverri ást sem er ekki þar. Geta því vanmetnir(og hógværir) eðalmenn eins og ég tekið gleði sína á ný og hætt að hafa áhyggjur af hinu kyninu. Heyr heyr!