— GESTAPÓ —
Félagsrit:
Lærði-Geöff
Nýgræðingur.
Saga - 31/10/04
Óhefðbundnar barnagælur

Rumputuski og Rassmus Klumpur
rifust út í annað
ákvað sjálfur Æðsti-Strumpur
að orðhögg væri bannað.

Mótmæltu nú margir þá
Megaman og Guffi
strax þeir fóru að stappa á
og strumpurinn varð að buffi.

Lási Lögga spilltur var
lét báða þrjóta vera
en fjarlægði þá er fyrir bar
fjandmenn hins opinbera.

Brölti hann inn á Baggalút
og Barbapabbi varð fangi
fjöldaslagsmál þá flæddu út
fjandinn á lausagangi.

Hnefahöggin dundu á
höfðum tuskudýra
fjendum Steinríkur stökk á tá
svo stóðu út garnir og nýra.

Flaug nú fögur Hexía
framhjá Lása Löggu
dýr var Dauðans lexía
drepinn af norninni snöggu.

En Barbapabbi í búri sat
breytti sér í lykil
skreið hann inn um skráargat
skein þá sólin mikil.

Hér er nú friður, hér er ró
og hamingjan öll á iði
en gangir þú inn á Gestapó
gakktu í réttu liði.

Lærði-Geöff

   (19 af 21)  
31/10/04 05:01

B. Ewing

Subbulegt en fyndið. Láttu börnin aldrei frétta af þessu.

31/10/04 05:01

Sæmi Fróði

Einstök og hugljúf barnagæla.

31/10/04 05:01

Hexia de Trix

Já, alveg einstök. En þið áttuð náttúrlega aldrei að frétta að ég væri fær um morð...

31/10/04 05:02

Þarfagreinir

Þessar vísur lýsa veruleikanum í dag. Það er aldrei of snemmt að kenna börnunum hvernig heimurinn virkar í raun og veru.

31/10/04 06:00

blóðugt

Glæsilegt! Ég var búin að gleyma að Barbapabbi gat breytt sér í hvað sem er.

[flissar]

Lærði-Geöff:
  • Fæðing hér: 23/9/05 11:23
  • Síðast á ferli: 29/4/06 15:55
  • Innlegg: 0
Fræðasvið:
Fann í vasanum spjald sem var mjög torlesið sökum mikils aldurs. Já eða það hafi farið gegnum þvottinn, en allavega einu 3 orðin sem ég náði að rýna í voru; ..fræðigrein, Prófessor við.., og svo ..natelwuhn..?? Hef ég tvo síðastliðna tungldaga velt um minn háls hver uppruni minn er.
Æviágrip:
Hefur ekki munað uppruna sinn frá því fyrir tveimur tungldögum síðan. Þá var Lærði-Geöff í þann mund að klófesta nótendarsýni úr lifandi steingerving. Vinnur nú hörðum höndum við að aðlaga hann íslenzkum þjóðfélagsaðstæðum. Við það verkefni er Geöff eða Hr. G (eða verðugi-L) á fullum styrk frá hinu svokallaða ríki (R.í.K.I. = Rannsóknarstofnun íslenzkra kjarnorkuvera innanlands). Dvelur hann á ystu nöf lífsskilyrða í þeirri mynd sem við þekkjum í dag. Myndir úr stjörnukíkjum benda eindregið til þess að þarna fari maður sem stundar pálbúskap og nýtir gjarnan umframafurðirnar til þess að gera sér glaðan dag.