Ég skal fúslega viðurkenna að ég hef varla nokkurt vit á boltanum. En nú horfi ég áhugasöm á það sem ég held að sé fótbolti. Samkvæmt auglýsingu Landsbankanns er mjög gaman í aðalbankanum og meira að segja ég kom auga á að viðskiptavinir hans eru upp til hópa frægt fótboltafólk. Mér þótti nokkuð gaman að sjá allar týpur saman í þessum fræga og vinsæla leik. Leik sem ég hef alltaf séð fyrir mér sem strákaleik. Að vísu hef ég bara séð fótbolta útundan mér svona óljóst í gegn um fordómaský. En, sem sagt sköllóttir, síðhærðir, venjulegir, feitir, gamlar kerlingar og íþróttafólk nota ekki einkabankann. Jafnvel þó þetta sé besti heimabanki í heimi og það getur feministi vitnað um enda kann hún ekki fótbolta.