— GESTAPÓ —
William H. Bonney
Óbreyttur gestur.
Saga - 4/12/11
Frú Brynfríður Bjarman verður drepin - andlát alteregós

Þar sem ég ræð ekki einu sinni við að halda úti aðal-egói hef ég ákveðið að slátra og loka öllum alteregóum - og þar með þessu. Fyrst þarf ég þó einhvern veginn að drepa kellingarræksnið hana Brynfríði. Undanfarin ár hef ég oft hugsað um hvað ég eigi að gera við hana (er hálfpartinn með þetta á heilanum) en tekst ekki að drepa hana, hef þó fengið ýmsar hugmyndir:
1. Einnar nætur kynni við erlendan flugvirkja sem klikkar svo á að yfirfara vélina sem frúin ætlar að láta flytja sig í frelsið, flugvélin hrapar og allir drepast vegna greddu frú Brynfríðar sem hellti manngreyið fullt svo hann gat ekki sinnt starfi sínu.
2. Frú Brynfríður flytur til Bruges (hún er með B.A. í frönsku) og eyðir þar ævinni í að þýða texta Steinda jr. yfir á frönsku og miðla þeim til meginlandsbúa.
3. Frú Brynfríður kemst aldrei neitt þar sem hún keyrir á ljósastaur/brunahana/póstbíl í götunni heima hjá sér og deyr.
4. Frú Brynfríður fer ekki rassgat - fögur er hlíðin og við látum okkur alltaf bara hafa það - og þorum ekki að fara enda auðveldara að láta mata sig með óþverra en að taka afstöðu og ákvarðanir. Ekki satt?

TILLÖGUR?

   (1 af 10)  
4/12/11 18:01

hlewagastiR

Jájá, á ég svo líka að drepa alla mína? Þá erum við bara tveir eftir hérna. Ok, ok, ég skal drepa Skabba, Regínu, Enter, Upprifinn og Offara en ég neita að drepa Huxa. Hann er eftilætis alteregóið mitt.

4/12/11 18:02

Huxi

Takk Hlebbi. Þú ert aðalegó í raun.

4/12/11 19:00

Regína

Mér lýst mög vel á fyrri tvær tillögurnar, svona fyrst ég er sjálf á lífi enn og fæ að tjá mig. Býr flugvirkinn í Bruges? Er þetta tveggja sæta flugvél? Tillaga númer fjegur er arfavitlaus.

4/12/11 19:02

Madam Escoffier

Reyndar kann Madaman ágætlega við endinn eins og hann er. Frú Brynfríður er horfin, vonandi á betri stað, kannski ekki, lætur hugarflugi andataksins um að ákveð örlög hennar.

4/12/11 20:01

Texi Everto

[Tekur Brynfríði Bjarman með sér inn í sólarlagið]

5/12/11 01:00

Vladimir Fuckov

Best væri auðvitað að hafa plottið einhvernveginn þannig að Brynfríði verði rænt af óvinum ríkisins en að þeir fái síðan makleg málagjöld fyrir það rán.

5/12/11 03:02

Upprifinn

Búmm tjagga búmm búmm búmm.

5/12/11 06:01

Sundlaugur Vatne

Hví í veröldinni ætti B.A.-próf í frönsku að vera ástæða þess að frú Brynfíður settist að við Bryggju (Bruges/Brugge)?
Bryggja er flæmskumælandi byggðarlag. Ætlir þú að flytja hana til Belgjalands ætti þú ekki að setja hana niður norðar en í Mýrarseli (Bruxelles/Brussel).
Annars kunni ég nú alltaf betur við Brynfríði en Bonney...

5/12/11 03:01

Bóthildur Bjarman

Á nú að fara að slátra náfrænku minni? Hún verður náfrænka mín við andlátið vitanlega en er ekki óþarfi að henda henni eins og hverri annarri fésbókarstöðuuppfærslu?

5/12/11 15:02

Nermal

Rigga geislaspilarann í bílnum hennar þannig að einungis spilist þar frammlag San Marino í Eurovision. Eftir örfáar mínútur ekur hún pottþétt frammaf kletti ,á stórann gámalyftara, já eða bara hvað sem er. Það verður einnig að tryggja að hún komist ekki útúr bílnum eða geti einhvernveginn lækkað eða slökkt

6/12/11 20:01

krossgata

4. er íslenska leiðin. Gengur það í Baggalútíu?

7/12/11 12:01

Texi Everto

Nykurinn dregur hana með sér ofan í Fjallkonuvatn (í landi Hálsakots)

William H. Bonney:
  • Fæðing hér: 25/8/05 18:25
  • Síðast á ferli: 17/4/12 21:42
  • Innlegg: 27
Eðli:
Kemur síðar
Fræðasvið:
Kemur síðar
Æviágrip:
Kemur síðar