Ég var að koma heim af skólsetningu, og það er nú saga að segja frá. Skólasetning þessi er haldin í lítilli sveitakyrkju, n.t. að Grund í Eyjafirði, þeim fræga stað. Og þarna mætti ég ásamt níu ára gamalli dóttur minni. Ræða skólastjóra var ágæt, svona þessi hefðbundna skólasetningarræða, og allir virtust una henni vel. En þá! Þá stóð prestur upp og fór að tala, Sér Hannes Blandon. Og hann byrjar að tala um einelti. Ekkert minntist hann á hvort það væri slæmt eða gott, heldur var hann að segja okkur hvað hann hafi verið sniðugur, hann nefnilega lagði kennarana í einelti. Ekki gat ég séð hvað séra faðirinn var að fara með þessu bulli sínu því að allt í einu er hann farinn að segja frá kennara sem var honum "sérstaklega hugleikinn", en sá var víst kallaður Guðni kjaftur og var víst frægastur fyrir að leggja stúlkur í einelti. Einhvern veginn koma aldrei neinn endir á þessu bulli í honum því allt í einu greip hann biblíuna og vildi lesa fyrir okkur upp úr Lúkasi gamla, eitthvað um flís í einu auga og bjálka í öðru sem síðan leiddi til símastaurs í auga hans sjáfs, þ. e. prestsins. Ég er nokkð viss um að það hafa verið tréspænir sem fylltu upp í bilið á milli eyrna hans. Nú svo þegar Lúkasi lauk þá minntist hann á franskar portkonur og ekki nóg með það heldur skírði hann það út fyrir börnunum sem voru í kyrkjunni að franskar portkonur voru svona konur sem seldu blíðu sína. Nú voru mörg móðurandlitin orðin öskugrá og ég leit á dóttur mina og hún sat bara og gapti eins og öll önnur börn þarna inni. Hvað séra presturinn var að fara, eða hvaða boðskapur átti að vera í þessari ræðu hans hef ég enga hugmynd um frekar en nokkur annar er hlýddi á þennan ósóma mannsins. Og án nokkurrar skýringar snýr hann sér snögglega að altarinu og segir. "Við skulum biðja. Faðir vor..."
Ef að þetta er dæmi um góða ræðu innan hinnar íslensku þjóðkyrkju, þá má mín vegna pakka henni allri inn og senda til Færeyja. Ég ætla strax á morgun að fara og láta afferma mig og segja mig úr þessum villutrúarsöfnuði.

Ég sæki hér með um að verða löggillt sóknarbarn í kyrkju Baggalútíu.
Hvað heitir hún annars?