Baggalútur

— GESTAPÓ —

Leir Hnoðdal

Nýgræðingur.

Sálmur - 2/12/05

Álversdraumur

Kvæði um kostulega konu sem langar að gefa okkur verksmiðju

Ég heyrði í morgun heljarmikinn þyt
og hélt mig ver’ að missa allt mitt vit
Út úr skökku rúmi mínu skreiddist
súráls mökkur yfir þorpið breiddist

Nú haldið þið að ég sé maður þver
og kunni bara sigta ost og smér
Gerið bara grín því nokk er mér
glettilega sam’ um álaver

Ef það bara ekki verður
eftir hér.

Valgerður er voða sæt og krúttleg
en varla hægt að segja að hún sé búttleg

Með rauðan ref um hálsin ofur mjója
ryðst hér norður þegar leysir snjóa
Dregur með sér drengi hugar sljóa
Dillandi sér framan í hann Jóa

Látum ekki komast upp að nýju
augum okkar falska vonarglýju
Ráðin okkar reynum betur
og réttum þeim sem bjóða álvers tetur

Puttann upp í loft, við pöntum ekki
púlver grátt með tilheyrandi mekki

Þótt þetta væri draumur
Þá er ég ferkar aumur
Og segi frekar en þegi
að ekki megi

(3 af 22)

2/12/05 01:01

hlewagastiR

Ég puttann hef aldeilis uppí loft
í auðsæld og hamingju lífskrafstsins glóðar
en minnist í feginleik einatt og oft
að álverin sköpuðu velmegun þjóðar.

Og hafðu það.

2/12/05 01:01

Skabbi skrumari

Álversdraumar enda víst
inní svartri þoku
Vinur hér nú vel er lýst
vitsins meinaloku.

2/12/05 01:01

Jóakim Aðalönd

Skál fyrir thví! Fleiri álver takk og meir pening í thjódarbúid. Nidur med vinstri graena!

2/12/05 01:01

Offari

Vill hún okkur Valgerður
velmegun til okkar,
Meiri betri málsverður
meðan álið lokkar.

2/12/05 03:01

dordingull

Er sammála peningaöndinni um að gott muni vera að fá fleiri aura í þjóðarbúið, en í þetta skiptið bregst honum hvortveggja, stærðfræðin og gróðanefið.
Reikningsdæmið er mjög einfalt. Þar sem álver er mínustala þá:
Álver X Tekjur = Færri seðlar.

Leiri. Vel og skemmtilega framsett hugleiðing.

Leir Hnoðdal:

Fæðing hér: 11/8/05 13:24
Síðast á ferli: 15/9/06 10:29
Innlegg: 2

Eðli:

Heiðarlegur ungur maður í anda sem lætur sér ekki allt fyrir augum brenna. Lifir í von um að einn daginn hlotnist honum sá heiður að losna við viðurnefnið Nýgræðingur og fá bókmenntaverðlaun Baggalúts ef þau eru þá til. Er líka tilbúinn að taka að sér ábyrgðarstarf bjóðist það hjá ríkistjórn Baggalúts. Kann vel að meta bitlinga svo nálgast framskóknarmennsku af bestu sort. Lifir frekar flóknu lífi en þykir gott matarkex frá Frón. Kann að meta konur með gott hjartalag og húmor.

Fræðasvið:

Rannsóknir á salernis-veggjakroti frá 7. áratug síðustu aldar og þýðing þeirra og uppeldisleg áhrif þeirra á nýráðna Hæstaréttardómara. Uppfyndningar á lími sem límir allt hafa þó verið mínar ær og kýr.

Æviágrip:

Fæddur á sjúkraskýli nálægt 66 gráðum norður. Móðirinn var rauðhærð og afneitaði skáldinu "med det samme". Hefur unnið á eyrinni, sótt sjó og dvalið til sveita og á möl. Er félagi í uppfyndningasamtökum lýðveldisins og hefur fórnað miklu af frístundum sínum við að finna upp lím sem límir allt. Stundað fornleifarannsóknir á salernum með styrk frá Gustafsberg A/S í Noregi.