Ég og frænka mín, sem er 4 ára, skelltum okkur í verslunarleiðangur á laugarveginn um helgina. Sem væri ekki frásögufærandi nema það að á móti okkur kemur kona með hund. Fjölskylda þeirra litlu á engin gæludýr svo það að hitta dýr (hvað þá hund) er rosalegt sport.

Þegar hundurinn var farinn, útklappaður og kominn með sting í eyrun af skrækjum spyr sú litla.

"Hvort var þetta hundur eða drusla?"

"Hvað segiru hundur eða drusla?"

"Já þú veist kall eða kona?"

"Þú meinar hund eða tík?"

"Ó er alltaf sagt tík? Ég hélt það skipti ekki máli hvað maður kallaði konuhunda, þyrfti bara að vera eitthvað dónalegt"

Ég grét úr hlátri frænku minni til mikillar gremju... en annars er hún vel gefin stúlka og kom þetta mér á óvart. Bara smá misskilningur.