Ég þjáist þessa stundina af miklu andleysislegu afstöðuleysi, óhlutdrægni, ritstíflu og ófrumlegheitum.
Ég hef ekki neitt að segja eða hugsa um, ekkert til að röfla um, ekkert til að skrifa um, ekkert til að ræða um.
Ég get voðalega lítið baktalað fólk og tjáð öðrum skoðanir mínar á því vegna þeirrar einföldu ástæðu að ég hef ekkert álit á neinum. Ég er bara búinn að sjá ágætar myndir undanfarið, enga framúrskarandi góða og enga yfirgengilega slappa. Ný tónlist sem ég hef verið að heyra er þokkaleg, bara fín. Allir vita hvernig stjórnmálin eru, ekki nenni ég að hafa skoðun á þeim. Ég horfi ekki á sjónvarp, ég get ekki haft skoðun á sjónvarpsdagskránni. Ég sá samt fréttirnar áðan en ég var ekki að horfa, ég var ekki að fylgjast með, hef ekki skoðun. Úti er logn, ég hef enga skoðun á logni. Ég veit ekki lengur hver er nýliði á Gestapó og hver ekki, þessvegna hef ég ekkert álit á nýliðum.
Ég man ekki eftir neinu sérstöku sem gerðist í dag, ég veit ekkert hvað ég ætla að gera á morgun. Ég hef engan glatt í dag, ég hef engan sært.
Ég er ekki skemmtilegur, ég er ekki leiðinlegur.
Ég er ekki glaður, ég er ekki sorgmæddur.
Ég er ekki æstur, ég er ekki afslappaður.
Ég er ekki þreyttur, ég er ekki velvakandi.
Ég er ekki sáttur, ég er ekki pirraður.
Ég er ekki heilbrigður, ég er ekki sjúkur.
Ég bara er ... eða ekki.
Mun ég muna þennan dag á morgun?
- Ég veit það ekki, ég hef enga skoðun, ég er hlutlaus.
Þetta eru helstu einkenni Framsóknarmanna. Svo líklega ertu a verða að Framsóknarmanni, vertu bara velkominn í hópinn. Við munun taka vel á móti báðum nýliðunum ár.
Þú er á Prozac eða sambærilegum óþverra.
Flatur og hlutlaus. Bannaði óþverrinn er sennilega meinlausari og veitir allavega gleði smá stund. Spurðu bara dr. Vímus.
Óskaplega hljómar þetta sem leiðinlegt ástand. Þú verður að ræna sálfræðingi til að fást við þetta með þér.
Prozac gerir mann ekkert flatan eða hlutlausan, það einmitt hjálpar manni upp.
[Bryður fjórfaldan skammt af Prozac]
Settu í rétta gírinn og sólarhringurinn mun fljúga áfram. Mig grunar að dordingull hafi rétt fyrir sér og þú sért að taka inn það sem ranglega er kallað gleðipillur. Þær virka oft þannig að étendurnir sitja bara tómir og stara á vegginn. Sköpunargleði og athafnasemi hverfur og síðast en ekki síst kynhvötin.
Á alvarlega geðveika virka þær oft ágætlega.
S.b. Krossu.
Nei vinur minn, lyftiduftið er lausnin + allskonar lyfjakoktelar rétt raðað saman.
og lífið verður dans á dópi.
Þú ert bara að verða fullorðinn Vító minn. Velkominn í hjörð meðalmennskunnar. Við áttum von á þér.
[Býður upp á meðalgóðar veitingar]
Þetta er rétt hjá Offa.
Í þínum sporum myndi ég farga mér strax.
Ekki bíða eftir inngöngu í Framsókn
og farga mér svo.
Við sumum kvillum duga engin lif.
<Læðist aftanað Dúdda og brókar hann>
Æji grágurinn, á ég að kæta þig ?
Hérna tosaðu í puttann á mér.
Ég er ekki alveg búinn að lesa þetta og þessvegna hef ég enga skoðun á þessu.
Við ritun þessa félagsrits hefur augljóslega verið gætt fyllsta hlutleysis. Sem er gott.
Ég mæli með finna góða bók og geyma hana á klósettinu. Farðu svo í appolló og kauptu kíló af lakkrís, éttu hann á mettíma og skolaðu honum niður með fjölmörgum bollum af rótsterku kaffi. Þetta ætti að rífa þig upp, mundu svo að fá þér eitt skot af Omega3, þrisvar á dag.