— GESTAPÓ —
Don De Vito
Heiðursgestur.
Gagnrýni - 1/12/06
Babl

Ágætis leikin heimildarmynd um babl og vesen.

Babel (babl) er leikin heimildarmynd sem fjallar um það hvernig eigi að ferðast um Arabalöndin og sömuleiðis algengt sport sem þar er stundað. En það er þó ekki eina umfjöllunarefnið en hún tekur einnig á því hvernig eigi ekki að passa börn og almennt um líf japanskra unglingstúlkna.
Nú, fyrst ætla ég að vinda mér að uppáhalds viðfangsefninu mínu, japönskum unglingsstúlkum. Eitthvað sem ég vissi ekki er að þær eru mikið inni í rappinu, þær eru komnar svo langt í þessu að þær eru víst farnar að tjá sig eingöngu með höndunum, búnar að þróast algerlega frá bassatöktunum og ríminu. Íslenskunartextagerðamaðurinn kemur reyndar með þá kenningu að þær séu heyrnalausar og geti ekki tjáð sig á annan hátt. Það er náttúrulega argasta þvæla en sniðug leið engu að síður til að rugla mann í ríminu. Að öðru komst ég síðan að þessar japönsku eru mjög flippaðar, t.d. var þarna ein sem var mest áberandi og var alltaf að væla og deyja úr sorg og vildi bara stunda kynlíf, og þá bara með einhverjum einhverstaðar og helst núna, FLIPP!
Í samhengislausri framvindunni fylgist maður síðan allt í einu með amerískum túristum í Marokkó. Þar leikur Brad Pitt örlítið gestahlutverk, hann sýnir þó engan stórleik og er eiginlega bara vælandi í öllum sínum örstuttu atriðum út myndina vegna einhverra smámuna, en uppáhalds vinkona hans lenti í því óhappi að vera fyrir þegar litlir dvergarabar voru að dunda sér við að skjóta út í loftið. En eins og allir vita er það eitt vinsælasta sportið meðal dvergaraba í Marokkó. Þannig tekur myndin sterklega á samfélagságreiningi og menningarmismunun sem alltaf er í gangi. Þetta náttúrulega sýnir bara hvað Kanarnir eru með mikla fordóma fyrir erlendum íþróttum.
En nóg um það, hinumegin á hnettinum er kona að passa börn, tilviljun ein sýnir að þessi börn eru börnin hans Brads Pitt. Þessi hluti myndarinnar er sennilega fróðlegastur en um leið einfaldastur og skilaboðin eru skýr; ekki fara til Mexíkó.
Nú hef ég fjallað heilmikið um innihald þessarar leiknu heimildarmyndar og nú þurfið þið náttúrulega ekkert að sjá hana lengur. Ég þakka ykkur því einfaldlega fyrir lesturinn.

PS. Brad Pitt er orðinn gráhærður.

   (18 af 49)  
1/12/06 23:02

krossgata

Akkúrat, held ég þurfi ekkert að eyða peningum í að fara í bíó. Takk fyrir það, enda var þetta ljómandi lýsing. Ekki batnar Brad Pitt við að grána, en það gerði Sean Connery aftur.

2/12/06 00:00

Dýrmundur Dungal

Braddi er fallinn í pytt grámanns. Þetta gráa fiður er viðbjóður og það á líka við um Sjonna Konna.

2/12/06 00:01

Þarfagreinir

Þessi mynd fær víst 7 óskarstilnefningar.

P.S. Ég hef ekki séð eina einustu af myndunum sem eru tilnefndar. Eða jú ... Dead Man's Chest er víst tilnefnd í nokkrum tækniflokkum.

2/12/06 00:01

Nornin

[Sparkar í Dungal]
Ekki tala illa um Connery!

2/12/06 00:01

Jóakim Aðalönd

Einhver sundurlausasta gagnrýni sem ég hef lesið, en engu að síður nógu góð til að mig langi ekki að sjá myndina.

Skál!

2/12/06 00:01

Don De Vito

Enda á hún ekkert skilt við raunveruleikann, hehe. Góð mynd.

2/12/06 05:01

Blástakkur

Mér sýnist nú pitturinn koma ágætlega út með sinn náttúrulega hárlit.

Don De Vito:
  • Fæðing hér: 22/5/05 20:04
  • Síðast á ferli: 27/1/21 08:23
  • Innlegg: 3591
Eðli:
Frábær snillingur í alla staði, sumir kalla það mikilmennskubrjálæði en það er vitleysa. Miskunnarlaus og snjall herforingi. Sá besti í sínu fagi. Ættaður frá Eliptoney (áður Sikiley).
Fræðasvið:
Meistaragráða í lögfræði, hernaðar- og stríðsfræðum.
Æviágrip:
Fæddur í Bandaríkjunum, sonur sikileyska mafíuforingjans Don Michael De Vito sem var handtekinn 2003 fyrir skipulagða glæpastarfsemi, er talinn hafa tekið við af honum glæpaveldið en það hefur alldrei verið sannað. Lærði lögfræði, hernaðar- og stríðsfræði í Harvard. Fluttist til Baggalútíu árið 2005 og gerðist Baggalútískur ríkisborgari. Er með mörg vafasöm sambönd úti um allan heim. Var skipaður Stríðsmangari Baggalútíska heimsveldisins af Hakuchi.Fljótlega eftir að hafa verið titlaður stríðsmangari Baggalútíska heimsveldisins skipulagði hann innrásina á Ítalíu og var einnig maðurinn á bakvið hernám Frakklands, sendi einnig Nafna og hans her á Sviss svona að gamni sínu. Efnaðist mjög eftir hernám Ítalíu og Frakklands og hefur það núna mjög gott.