— GESTAPÓ —
Don De Vito
Heiðursgestur.
Dagbók - 1/11/05
Don De Vito

Ég hef hér með ákveðið eftir margar ítrekaðar áskoranir frá mörgum mismunandi Gestapóum að breyta nafninu mínu aftur í hið glæsilega Don De Vito. Það var aðalega á þeim tímapunkti árshátíðarinnar þegar Tigra var næstum búin að klóra af mér andlitið að ég sannfærðist.

Þrátt fyrir heilmiklar aðvaranir frá vitnavernd, sem mæla sterklega gegn því að ég taki aftur upp mitt rétta nafn, verð ég einfaldlega að gera það til þess að halda andlitinu. En eins og ég sagði frá áður í þessu einstaklega Úlfamannslega riti þurfti ég að losa mig við öll fjölskyldutengsli á austurströnd Bandaríkjanna og í kjölfar þeirra þurfti ég að framkalla ýmsar ,,hreinsanir’’. Mér hefur því verið afneitað af ættinni og hafa nú bæði meginlands-Ítalirnir og Sikileyjingarnir (þetta tel ég glæp) tekið höndum saman um að elta mig uppi og drepa mig. Ég hef heldur aldrei verið vinsæll hjá Rússunum en ég hef átt það til að svindla á þeim. Bandaríkjastjórn hatar mig líka af lífi og sál og útsendarar þeirra eru sífellt að reyna að klekkja á mér, sérstaklega í sumar eftir að ég var með hernaðaraðgerðir gegn þeim í Kaliforníu, Arizona og Nevada, en ég yfirtók í þeirri ferð fyrir fullt og allt uppáhalds borgina mína, Las Vegas, þegar ég var staddur þarna í sumar. Þá sigldi ég einmitt undir fölsku flaggi og kynnti mig ávallt sem Dúddi og það stóð einmitt á vegabréfinu mínu sem var ástæða þess að ég komst inn fyrir landamærin.

Ég hef því ákveðið að stórefla alla öryggisgæslu í kringum mig og ráða tvöfalt lífvarðalið á við það sem er nú þegar fyrir.

Doninn kveður.

   (22 af 49)  
1/11/05 12:01

Hexia de Trix

Sussusvei, erðanú vesen á þér.
Fyrir mér verður þú alltaf dúddilíus.

1/11/05 12:01

Aulinn

Ég veit ekki hvað þú varst að spá með að breyta nafninu aftur í Dúddi, sem mér þykir afskaplega asnalegt nafn.

1/11/05 12:01

Hvæsi

Ákveddu þig ítalinn þinn !

1/11/05 12:02

Tigra

Jöss! Ef ég man rétt, mælti ég með því að þú gerðir þetta í gærkvöldi.

1/11/05 12:02

Hvæsi

Þú manst ekki hvar þú varst í gærkvöldi.
[forðar sér]

1/11/05 12:02

Tigra

Þegi þú adda svona einu sinni.

1/11/05 12:02

Hakuchi

Loksins er hægt að bera virðingu fyrir þér aftur.

1/11/05 12:02

Kargur

Svo virðing þín fyrir honum felst bara í kjánalegu nafni?

1/11/05 12:02

Hakuchi

What's in a name?

Sagði skáldið.

1/11/05 13:00

Don De Vito

Og síðan húðstrýkið þið mig bara næst og skjótið í höfuðið þegar ég svo mikið sem minnist á nafnbreytingu. Og já, þið gerið það í kjötheimum!

1/11/05 13:00

B. Ewing

Ég snerti ekki á þér ef þú veldir Don de la Dúddamía eins og ég hef áður lagt til [Glottir eins og fífl]

1/11/05 13:00

Jóakim Aðalönd

Skál!

1/11/05 13:00

Sundlaugur Vatne

Skál, Dúddi minn... eh, ég meina: Don.
Það var gaman að fá að hitta þig. Þú ert mikill sómapiltur. Væri ekki hægt að tala þig til að koma inn í stjórn Ungmennafélagsins Andspyrnunnar?

1/11/05 13:01

Don De Vito

Það er aldrei að vita.

1/11/05 13:01

Þarfagreinir

Mér þykir þetta góð ákvörðun hjá þér, Dúddi ... ég meina Don.

1/11/05 13:01

Ísdrottningin

Ég skil ekki hvaða vesen er á þér Donni minn.

1/11/05 13:01

Anna Panna

Til hamingju með það, það er bara allt annað að sjá þig núna!

1/11/05 14:01

Sloppur

Mikilsvirðing er mikils virði! Haltu þjér svona!
Takk fyrir síðast!

Don De Vito:
  • Fæðing hér: 22/5/05 20:04
  • Síðast á ferli: 27/1/21 08:23
  • Innlegg: 3591
Eðli:
Frábær snillingur í alla staði, sumir kalla það mikilmennskubrjálæði en það er vitleysa. Miskunnarlaus og snjall herforingi. Sá besti í sínu fagi. Ættaður frá Eliptoney (áður Sikiley).
Fræðasvið:
Meistaragráða í lögfræði, hernaðar- og stríðsfræðum.
Æviágrip:
Fæddur í Bandaríkjunum, sonur sikileyska mafíuforingjans Don Michael De Vito sem var handtekinn 2003 fyrir skipulagða glæpastarfsemi, er talinn hafa tekið við af honum glæpaveldið en það hefur alldrei verið sannað. Lærði lögfræði, hernaðar- og stríðsfræði í Harvard. Fluttist til Baggalútíu árið 2005 og gerðist Baggalútískur ríkisborgari. Er með mörg vafasöm sambönd úti um allan heim. Var skipaður Stríðsmangari Baggalútíska heimsveldisins af Hakuchi.Fljótlega eftir að hafa verið titlaður stríðsmangari Baggalútíska heimsveldisins skipulagði hann innrásina á Ítalíu og var einnig maðurinn á bakvið hernám Frakklands, sendi einnig Nafna og hans her á Sviss svona að gamni sínu. Efnaðist mjög eftir hernám Ítalíu og Frakklands og hefur það núna mjög gott.