— GESTAPÓ —
Don De Vito
Heiðursgestur.
Saga - 2/12/05
Bandaríkin

Þetta gerðist allt einn góðan veðurdag þegar ég var í sakleysi mínu á flakkinu um Gestapó, mig minnir að ég hafi verið að fara í gegnum þráðinn ,,hverjir eru inni’’ þegar allt varð allt í einu svart.

Ég vaknaði á dularfullum stað sem ég kannaðist ekkert við, en ég komst snemma að því að ég var staddur í Bandaríkjunum, óvinir ríkisins höfðu rænt mér, þeir höfðu kæft mig með klóróformi og flogið með mig til Bandaríkjanna. Höfuðpaur gengisins var típísk feit kanadrusla, auminginn sagði mig skulda sér pening, þvílík lygi! Sagði mig skulda sér fyrir eitt spilavítið sem ég hafði keypt af honum, ég keypti það nú bara á bísna rausnarlega verði að því er mér finnst, en hann talaði eitthvað um að ég hefði borgað of lítið. Kjaftæði!

Þrátt fyrir miklar pyntingar, svosem kleinuhringjaát, óhóflegar sýningar á amerískum sápuóperum og raunveruleikaþáttum, McDonalds fram úr hófi og fleira í þeim dúr tókst þeim ekki að snúa peninginn út úr mér. Þeir ákváðu þá að sækjast eftir upplýsingum um Baggalútíu í staðinn, ég sagði þeim að éta það sem úti frýs. Á tuttugasta degi ákvað ég að flýja, ég fann vélbyssu og skaut mér leið út. Því miður slapp höfuðpaurinn á þyrlunni sinni, en ég náði númerinu...

Um kvöldið þurfti ég að flýja land, af einhverjum ástæðum er ég á einhverjum 10 most wanted list þarna í Bandaríkjunum. Ég fór niður á höfn, sá þar flutningaskip á vegum Eimskipa og ákvað að kaupa mér þar far til Íslands hjá skipstjóranum. Skipverjarnir urðu ánægðir þegar ég sagði þeim hver ég er og sögðust gera hvað sem er fyrir svona háttsettan mann, ég ákvað að gera þeim tilboð sem þeir gátu ekki hafnað... Ég fékk góðan mat á skipinu, yfirleitt fisk í raspi með kartöflum og ýmist bjór eða viskí með. Einn skipverjinn átti heilann helling af Simpsons þáttum sem ég fékk oft lánaða hjá honum svo mér leiddist ekki á leiðinni til baka.

Ég er semsagt ánægður með skipverjanna en ekki eins sáttur við gestrisnina í Bandaríkjunum. Við þurfum að gera eitthvað í sambandi við þá!

   (33 af 49)  
2/12/05 03:01

Offari

Velkominn heim, frábært flóttaafrek. Fékkstu að prófa pyndingarklefan?

2/12/05 03:01

blóðugt

Velkomin heim Donni!

2/12/05 03:01

Dr Zoidberg

Má finna þetta spilavíti undir "Ligilega vinsælir leikir"?

2/12/05 03:01

B. Ewing

Held hreinlega að þeir hafi lýs eftir Vímusi líka! [Hrökklast afturábak og felur sig]

http://ww w.fbi.gov/mostwant/topten/fugitives/goldberg.htm

2/12/05 03:02

Vladimir Fuckov

Ill þykja oss tíðindi þau er þjer berið en eigi skal láta hugfallast. Áður óþekkt útibú óvina ríkisins hefur greinilega hreiðrað um sig þarna vestra. En þetta er víðfeðmt og fjölbreytt land með fjölmörgum góðum (fyrir óvini vora) felustöðum.

Þarna hafa staðið yfir háleynilegar aðgerðir gegn óvinum vorum en greinilega þarf að herða þær mjög [Minnist með verulegum söknuði afar skemmtilegra hernaðaraðgerða sinna þarna vestra á sl. ári gegn óvinum ríkisins].

2/12/05 04:00

Kargur

Ég hefði nú getað hjálpað þér Donni minn.

2/12/05 04:00

Don De Vito

Ég er viss um að ég hafi verið einhvers staðar þarna á austurströndinni, það ætti að þrengja þetta örlítið.

Og Kargur, ég efast ekki um það.

2/12/05 04:00

Jarmi

Ert þú þessi Mari sem er svo oft minnst á?

2/12/05 04:01

Günther Zimmermann

Hér er eitthvað sem ekki stemmir! Athugið efirfarandi:
,,Þrátt fyrir miklar pyntingar, svosem kleinuhringjaát, óhóflegar sýningar á amerískum sápuóperum og raunveruleikaþáttum, McDonalds fram úr hófi og fleira í þeim dúr ..."
Svo þessi orð hér: ,,Einn skipverjinn átti heilann helling af Simpsons þáttum sem ég fékk oft lánaða hjá honum svo mér leiddist ekki á leiðinni til baka."
Ætlunarverk óvina ríkisins var aldrei að ná einhverjum smáaurum, heldur að heilaþvo fórnarlambið í þeim tilgangi að fjölga áhangendum og útsendurum amrískrar sorpmenningar!

2/12/05 04:01

Don De Vito

Simpsons er ekki amerísk sorpmenning, Simpsons er eitt af því fáa góða sem kemur frá Bandaríkjunum sama hvað hver segir! South Park er einnig í þessum hópi og ýmislegt rokk.

2/12/05 04:01

Günther Zimmermann

Hlustið ekki á hann! Hann er að reyna að tæla okkur ofan í amrísktan sorapoll!
(Því þar sem stór hluti af gríninu í Simpsons og Southpark er á kostnað amrískrar sorpmenningar, eru þessir þættir afsprengi hennar og órjúfanlegur hluti af henni. Þó eitthvað sé fyndið þýðir ekki að það sé gott.)

2/12/05 04:02

Nermal

Simpsons er eigi af hinu illa. Ef ég ættlaði að buga einhvern kynvísann karlmann myndi ég sýna Desperate Husewifes, Charmed, Judgin Amy eða það lang versta Sex and the city... Til hamingju Donni að standast svona raunir

2/12/05 04:02

Jóakim Aðalönd

Æi, Bandaríkin munu falla, rétt eins og Babýlon. Það er bara spurning hvenær. Við gætum flýtt því aðeins, en það þarf í raun ekki. Það er bezt að láta þau deyja innan frá, svona eins og framsókn.

Don De Vito:
  • Fæðing hér: 22/5/05 20:04
  • Síðast á ferli: 27/1/21 08:23
  • Innlegg: 3591
Eðli:
Frábær snillingur í alla staði, sumir kalla það mikilmennskubrjálæði en það er vitleysa. Miskunnarlaus og snjall herforingi. Sá besti í sínu fagi. Ættaður frá Eliptoney (áður Sikiley).
Fræðasvið:
Meistaragráða í lögfræði, hernaðar- og stríðsfræðum.
Æviágrip:
Fæddur í Bandaríkjunum, sonur sikileyska mafíuforingjans Don Michael De Vito sem var handtekinn 2003 fyrir skipulagða glæpastarfsemi, er talinn hafa tekið við af honum glæpaveldið en það hefur alldrei verið sannað. Lærði lögfræði, hernaðar- og stríðsfræði í Harvard. Fluttist til Baggalútíu árið 2005 og gerðist Baggalútískur ríkisborgari. Er með mörg vafasöm sambönd úti um allan heim. Var skipaður Stríðsmangari Baggalútíska heimsveldisins af Hakuchi.Fljótlega eftir að hafa verið titlaður stríðsmangari Baggalútíska heimsveldisins skipulagði hann innrásina á Ítalíu og var einnig maðurinn á bakvið hernám Frakklands, sendi einnig Nafna og hans her á Sviss svona að gamni sínu. Efnaðist mjög eftir hernám Ítalíu og Frakklands og hefur það núna mjög gott.