Í gærkvöldi sá ég myndina Vélhjóla dagbækur eða Motorcycle diaries. Myndin fjallar eins og flestum er líkleg kunnugt, um ferð Ernesto Guevara og félaga hans á mótorhjóli um stóran hluta Suður - Ameríku. Myndin heillaði mig alveg upp úr skónum og hvernig hún sýnir manni greinilega hvenig Ernesto Guevara breyttist í hinn alþekkta Che Guevara, er gert á alveg stórkostlegan hátt. Maður skynjar það mjög vel af hverju hann gerði það sem hann gerði, og ég efast um að honum hafi dottið í hug að hann yrði ein mesta selda vara allra tíma. Eitt atriði í myndinni sem ég lifði mig mjög inn í var þegar félagi hans var sýndur átta sig á hvernig hann var að breytast. Þessi mynd var hreint út sagt frábær og mæli ég með henni fyrir alla hafa gaman af góðum myndum og er hún einnig frábær ef maður vill skilja manninn Che Guevara betur. Fimm stjörnur.
(6 af 6)
Ég átti við bolina með myndunum af honum. Ég hélt að allir myndu átta sig á því. Ef þetta var illa orðað biðst ég afsökunar.
Che er einn mesti hrotti og glæpamaður sem uppi hefur verið. Má vera að það stafi af honum dýrðarljómi úr fjarlægð, en maður sem tók sína eigin fylgismenn af lífi án dóms og laga og beitti einræðistilburðum hvar sem hann var er ekki umvafinn hetjuljóma í mínum augum. Set hann í flokk með Saddam Hussein, Hitler og álíka nótum.
Pinochet, Bush sr , Bush jr, og allir hinir
hryðjuverkamennirnir.
Já. Che er ofmetnasti maður 20. aldarinnar. Hins vegar var myndin fín.
Ég labbaði niður Laugaveginn og sá í búðarglugga Che-sokka til sölu.
Athyglisvert hvernig dýrkunin á þessum manni er orðin. Af hverju ekki Hitler eða Saddam? Sami skítur í sama koppi.
Hann var reyndar minniháttar skíthæll. Ekki eins stórtækur og Hitlerog Saddam.
Ætli þetta sé ekki hluti af aumingjadýrkun 'vinstri' manna.
Reyndar grunar mig að þessar vinsældir megi nær einvörðungu rekja til þessarar ótrúlega flottu myndar af honum. Það er ekki hægt að neita því að hún er áhrifarík og kúl. Verst að fólk fer að fyrirgefa honum allan hans skíthælshátt bara út á þessa fjandans ljósmynd. Þetta hlýtur að vera eitthvað kynferðislegt.
Hún amma mín blesuð saumaði sæta mynd af Stalín og setti hana fyrir ofan rúmið mitt þegar
ég var lítill strákur
Ég er sammála ykkur um að hann hafi ekki verið hetja eða neitt slíkt og er ég alls ekki að reyna að afsaka hann með þessum dómi og bendi á að ég er að gefa myndinni fimm stjörnur, ekki honum sjálfum.
Það er ljóst af dómi þínum Gunnar.
Myndin sjálf er ekki að réttlæta Che eins og hann varð síðar, hvað þá að upphefja hann. Það er reyndar það sem er flott við myndina. Hættan var að ef einhver aðdáandi Ches (þeir eru til af einhverjum furðulegum ástæðum) færi að gera myndina, þá yrði þetta helgislepjumynd sem gerði Che að göfugri súperhetju.
Það er vafalaust rétt hjá þér. Myndin er mjög fagmannlega unnin að mínu mati.
Hann er hetja vegna pólítísks ídealisma síns, áhrifa á sósíalíska hugsun og baráttunar gegn kapítalískri kúgun í þriðja heiminum. En þó sér í lagi vegna personulegrar fórnfýsi sinnar í þágu málstaðarins.
Fyndin tilviljun. Ég er einmitt að vinna að mynd sem heitir Dagbækur langhlaupara og fjallar um keppnisferil Steingríms J. Sigfússonar á héraðsmótum hjá Ungmennasambandi Norður Þingeyinga.
Hún verður örugglega mjög spennandi og áhugaverð. Passaðu þig bara á því að hafa góða leikara.
Ég horfði á þessa mynd í gærkveldi. Hún var hin ágætasta og fékk mig til að huxa aðeins um kærleika og mannlega samkennd. 4 stjörnur frá mér!
- Fæðing hér: 19/4/05 08:38
- Síðast á ferli: 4/9/13 03:18
- Innlegg: 45
