Loksinns...
Nú get ég ekki lengur á mér setið. Skjár 1 hefur í kvöld (Sunnudagskvöld kl. 7) sýningar á besta sjónvarpsefni fyrr og síðar. Top Gear. Ég mana alla viðstadda til að horfa á þennan frábærlega vel heppnaða bílaþátt, burt séð frá því hvort þið hafið nokkurn áhuga á bílum eða ekki. Það er bara prinsippsmál að horfa á þennan þátt. Vönduð BBC framleiðsla ásamt sjokkerandi politically-incorect húmor, kryddað með bestu myndatöku og sérstökustu þáttarstjórnendum í sögu vestrænnar siðmenningar. Stjórnendurnir, með (úr)illa snillinginn Jeremy Clarkson í broddi fylkingar eru rjómi breskra bílablaðamanna og allir sem telja sig vita nokkuð í sinn haus í þessum efnum ættu að kunna að meta þessa snilld. Ok... kannski munu ekki allir sjá þetta með sömu augum og ég en samt sem áður er hér á ferðinni frábærlega vitrænn þáttur sem meira en vegur upp á móti sora eins og The O.C. og svipuðu rusli sem sýnt er hér á landi. og fyrir þá sem hafa áhuga má geta þess að seinni þættir úr sömu seríu Top Gear eru sýndir í heimkynum sínum, BBC Prime kl. 20:00 og á BBC World kl. 20:30, sama kvöld.
Aldrei hefði maður ímyndað sér að bílaþættir gætu verið skemmtilegir. En Æðsti gír er það svo sannarlega. Hef fylgst með þessu á erlendum stöðvum og þessir gaurar, þó helst Clarkson, eru mjög skemmtilegir og fyndnir og umfram allt hafa ákveðnar skoðanir á bílum og eru ekkert að tala undir rós hvað það varðar. Fínt stöff.
Til gamans má geta að Top Gear er mest kvartað-yfir þáttur sem BBC hefur komið að og Clarkson hataðasti sjónvarpsmaður Breta vegna móðgana á hendur breskra fyrirtækja. Sagt er að eina ástæða þess að hann er ekki löngu rekinn er að Top Gear hefur í áraraðir verið vinsælasti þáttur stöðvanna og samnefnt bílablað stærsti staki innkomuliðurinn, fyrir utan ríkisstyrki, að sjálfsögðu.
Frábær þáttur!
Sá hann áðan og hló og hló. Meira að segja skemmtilegt fyrir stelpur sem vita ekkert um bíla að horfa á hann.
Já nei! Ég horfi BARA á sjónvarpsefni með Don Johnson í aðalhlutverki!
[Fær taugakippi í augað.]
Já ansi flottir þættir. Einnig má nefna; American Chopper á Discovery, en þar fer flott massa mótorhjóla efni og skemmtileg innsýn í fjölskyldu fyrirtækjarekstur. Íslendingar gætu vonandi lært þarna sitt hvað.