Kæru landsmenn.
Þeir sem leyfðu mér að hanga á barnum í sumar og drekka allt maltið og kenndu mér nokkrar af mínum kærustu lífslexíum, þeir sem unnu mig hvað eftir annað í pool og leyfðu mér að ofsækja sig síðan, þeir sem gáfu mér skyrdrykk í hádeginu þegar ég var svöng og gáfu mér nokkur af bestu knúsum ársins, þeir sem leyfðu mér að kyssa sig í tunglsljósinu eftir jólaballið á mánudaginn, þeir sem eru búnir að vera vinir mínir í blíðu og stríðu frá upphafi, þeir sem hafa gefið mér mat, drykk, eða sambærileg fríðindi sem ekki allir í heiminum fá að njóta, þeir sem hafa verið almennilegir við mig þrátt fyrir frekjuna í mér, þeir sem hafa þorað að rífa kjaft til baka, þeir sem flýðu ekki þegar ég reyndi að vera vingjarnleg, þeir sem hafa nokkurn tímann hrósað mér eða hælt, þeir sem hafa gefið mér tækifæri, Bagglýtingar til sjávar og sveita, þeir sem kenndu mér að reikna, lesa, skrifa og tala, þeir sem hafa fætt mig og klætt síðan ég fæddist, og þeir sem mér þykir vænt um, elsku hjartans dúllurnar mínar hafið það sem allra allra best og farið vel með allt sem verður á vegi ykkar. Takk fyrir allt saman, gleðileg jól og hafið það gott á komandi ári.