Nú skal sko, aldrei þessu vant lagt land undir fót.
Kæru Bagglýtingar.
Eftir nokkrar vikur kveð ég þennan táradal sem raunheimar Íslands eru og held á vit ævintýranna í Bandaríkjahreppi. Til stendur að dveljast þar við leik og störf í einhvern óákveðinn árafjölda. Í tilefni þeirra tímamóta, sem og vegna þess að mér verður nærri, ef ekki algerlega ómögulegt að mæta á samkomur þær er haldnar munu verða á þeim tilteknu árum er ég verð í burtu, þá flaug mér í hug hvort ekki væri hægt að hittast eitthvert föstudags eða laugardagskvöldið í apríl. Ég hef farið á einn svona "hitting" áður og var sú samkoma virkilega athyglisverð fyrir margra hluta sakir.
Reynum nú að komast að einhverri sameiginlegri niðurstöðu um dagsetningu og skemmtum okkur aðeins saman.
Lifið heil.
Góðar ferðir, félagi Rattati - & vegni þér vel ævinlega.
Mér þykir þá heldurenekki við hæfi að biðja fyrir beztu heilsur & kveðjur til okkar ágæta kumpáns, Kargs.
Varaðu þig bara á öllum hreppurunum sem hafast við þarna vesturfrá og ekki síður á Karg.
Gangi þér vel vinur en ég reikna með að sjá þig áfram hér á Gestapó.
Ef þú sérð eitthvað af mínu ættarhyski,
þá forðastu það!
Já, þú mátt endilega mæta á Þarfaþingið til að við getum kvatt þig almennilega. Hafðu það annars bara gott í Ameríkunni, og passaðu þig á Búskmönnunum.
Hafðu góðar stundir í landinu sem fæst ekki sannað að sé til.
Láttu bara sjá þig á Gestapó.
Ef þarfi gerist það góður að gefa mér upp staðsetningu Þarfaþings, þá gæti mér dottið í hug að kíkja á gluggann.
Sama hér, það er aldrei að vita nema ég kíki á Þarfaþing ef einhver gefur mér upp staðsetningu.
Fyrir hönd hreppsnefndar bandaríkjahrepps býð ég þig innilega velkominn. Það verður heitt á könnunni, svo endilega líttu við.