Vííí.
Lítil laufblöð eiga það til að fjúka...sjaldnast gera þau það sjálfviljug. Á morgun verður gerð undantekning á því. Þetta litla laufblað ætlar að koma sér til Keflavíkur og reyna að hitta á réttu vindhviðuna sem á að bera það til Kóngsins Köben. Þar ætla ég að dvelja í stutta stund og taka mér smá frí héðan á meðan. Ætli það verði ekki kíkt á hvað Danirnir hafa uppá að bjóða í mat, drykk og verslunum. Svo verður auðvitað tékkað á eins og einum Íslenskum strandarglóp sem þið ættuð öll að þekkja, og það verður án efa skemmtilegt. Aldrei að vita nema ég skelli inn einni ferðasögu ef ég finn réttu vindáttina aftur heim. Ég bið bara að heilsa ykkur á meðan elskurnar mínar. Leikið ykkur fallega.
Bið að heilsa Limbra. Hafið síðan hemil á ykkur. Limbri hlýtur að vera úrvinda eftir haustheimsóknirnar.
Góða ferð og hafðu það gott í Danaveldi. Kaupmannahöfn heillaði mig alveg upp úr skónum þegar ég kom þangað fyrst.
Góða ferð og Limbri fær Næturgaltarinnbrotskveðju frá oss [Laumupúkast burt]
Já, góða ferð. Drekktu nú nóg af bjór ... og ekki gera neitt sem ég myndi ekki gera.
Tek undir með Þarfa. Gerðu ekkert sem ég myndi ekki gera [reynir að ímynda sér hvað það gæti verið].
Drekktu einn fyrir mig og ég bið að heilsa...
Góða ferð Litla Laufblað og komdu heil heim, og þið bæði skemmtið ykkur alveg úr límingunum. Riddarakveðjur.