Kaldur vetur getur verið erfiður bóndanum
--- gormánuður ---
Í gormánuði gott er þér
góða stúlku að tæla
því vetur bankar vísast hér,
vart vilt lim ofkæla.
--- ýlir ---
Ýlir, verra ekki þá
að ala stúlku þessa
því kólna fer hann, frost á tá
(og fullur ertu af vessa)
--- mörsugur ---
Mörsugur, nú þarfaþing
að þjóna dömu betur,
þó tjóðra vilji hún tippaling
þú tæpast frýst í vetur
--- þorri ---
Ef þorra viltu þreyja um sinn
þrauka skaltu lengur
Biddu mey að bjóða inn
bíttu á jaxlinn drengur
--- góa ---
Góa fylgir, gumi skal
grípa í mjaðmir - halda
þó megi þola marklaust hjal
man hann rúmið kalda
--- einmánuður ---
Einmánuður eftir fer
ekki langt í hitann
af góðum vetri gumi er sver
giska tókst að fita hann
--- eftiráaðhyggja ---
Á köldum vetri, vinur minn,
vart þarf þér að hraka
þú tórir eitthvað enn um sinn
ef oft færð þér að skaka.
Góður, Isak, kæri skáldbróðir. Nú kvíði ég ekki vetri og gaman að vita að við skáldin höldum enn í heiðri gömul heiti og hefðir... já, og stundum sígildar "íþróttir".
Þetta er grúfi eins og unglingarnir myndu segja [Hlær hrossahlátrí], þjóðlegt og skemmtilegt, hefði allt eins getað verið samið af skáldabræðrum þínum frá nítjándu öld.