Furðulegt - hvað þýðir þetta?
eru ekki íslensk - eða svona nokkurn veginn íslensk - orð til yfir þetta allt?

Eins og hver?

Fusion er samruni eða bræðsla
Casual er hversdags
Surf er að vafra
Wannabe - er bara að vilja vera - eða að rembast eða e-ð slíkt
Outlet - getur verið útsala eða vöruhús
Trendsetter er stefnumarkandi eða brautryðjandi eða fyrirmynd
Skate er að hjólabrettast eða brettast eða fara á bretti
Nick er bara nafn - eða heiti - eða stuttnefni (HAH!)
Crossover er brú eða millibil
Date er stefnumót - sögnin að deita getur verið að vera saman eða fara út saman - ég var lengi í sambandi með henni....
Q.e.d.

Semsagt:
Hann var í mjög hversdagslegum fatnaði (eða venjulegum - eftir því hverjar aðstæður eru).
Tónlistin hans brúar bilið milli popps og rokks.
Við vorum lengi saman/í sambandi/að stefnumótast!
Á hótelinu er bræðslu/samruna/blöndunar/tilrauna-eldhús þar sem blandað er saman asískum og evrópskum mat.
Ég sendi þér heitið mitt á msn/netspjalli.
Ég fór í ódýra vörumerkjabúð í Bandaríkjunum.
Við brettuðum á Ingólfstorgi í gær.
Ég vafraði á /flæktist um á/ netinu í gær.
Hún setur línurnar í tískunni.
Hann vill vera rokkstjarna/þykist vera rokkstjarna/heldur að hann sé rokkstjarna...

HAH HAH HAH !

Ætli sé ekki átt við eitt þjált orð. Nema þú viljir hafa þetta "Hún skrifaði millibilsbrúunaraðdáendasögu" eða "Hvert er netspjallsheitið þitt?"

Er "crossoveraðdáendasaga" betri? Eða "crossoverfanstory"? Allt vond orð!
En ég sagði aldrei að þetta væru góð orð - bara að þau væru til!
Svo er setningaskipan í íslensku bara allt annars konar en í ensku svo að við mundum ekki - á góðri íslensku - byggja setningar upp á þann hátt sem gert er hér að ofan.
En... Hvað er að því að vera hversdagslega klæddur? Eða í venjulegum fötum? Má ég fá msn-heitið þitt (eða-eins og flestir segja reyndar "MSN-IÐ ÞITT")? Er ekki í lagi að fara bara á útsölu (þarf það endilega að vera outlet?)? Hvað er að því að vera í sambandi? Eða sambúð? Eða vera bara saman?

Mér finnst íslenskan ekkert verri þó að við getum ekki stundað endalausar beinar þýðingar og tekið upp enska setningaskipan. Ensk setningaskipan er þegar orðin allt of rík í ritgerðum og bókum - sem þó þykjast vera íslenskar - sbr. "Í samræmi við hennar bestu hagsmuni" - sem var ein af betri málsgreinunum í ritgerð sem ég prófarkalas.
Mér finnst óþarfi að taka upp orð yfir hugtök - sem til eru íslensk orð yfir - til þess eins að geta tekið upp enska setningaskipan og beinar þýðingar.

Hér kemur mín skilgreining á þessum orðum:
Casual
Hann var í mjög casual fatnaði
Hann var í þægilegum fötum

Crossover
Músíkin hans er crossover milli popps og rokks
Tónlist hans er bræðingur popps og rokks

Date
Ég deitaði hana lengi (BA-GAK!)
Ég átti í langtímasambandi með henni

Fusion
Á hótelinu er fusion-eldhús þar sem blandað er saman asískum og evrópskum mat
Á hótelinu er fjölmenningarlegt eldhús þar sem boðið er upp á blöndu af asískum og evrópskum mat.

Nick
Ég sendi þér nickið mitt á MSN
Ég sendi þér MSN-heitið mitt.

Outlet
Ég fór í outlet-búð í Bandaríkjunum
Eg fór á útsölumarkað í Bandaríkjunum

Skate
Við skeituðum á Ingólfstorgi í gær
Við vorum á hjólabrettum á Ingólfstorgi

Surf
Ég sörfaði á Netinu í gær
Ég dundaði mér á netinu í gær
Ég vafraði á netinu í gær
Ég fór á netið í gær.

Trendsetter
Hún er mikill trendsetter í tískunni
Hún er leiðandi í tískustraumum.

Wannabe
Hann er wannabe rokkstjarna
Hann er rokkstjarna án getu

Þar hafið þið það. Málstöð Ívars hefur lokið sér af með þetta verkefni. Gúdd bæ.

Þú verður að taka þetta upp við Námsgagnastofnun...

Annars er svosem hægt að fara út í smáatriði og halda því fram að "dating" sé ekki það sama og samband, og að "crossover" sé ekki alveg það sama og "millibilsbrúari".

Enda er víst meiningin að viðmælandi þinn skilji um hvað er rætt, án þess að ganga í gegnum langar samræður sem enda á "...æ, þú veist, svona outlet/trendsetter/fusion!"

Flott hjá Ívari.
En það er rétt að að deita er ekki endilega það sama og að vera í sambandi - hins vegar er engin deitmenning á Íslandi.
Við eigum VINI (sem við förum út með en ríðum ekki endilega). Við eigum ríðufélaga (sem við ríðum en förum alls ekki út með). Við eigum kærustur/kærasta (sem við ríðum og förum út með). Við eigum kalla og kellinga (sem við búum með, förum sjaldan út með og ríðum sárlega sjaldan).
Ef fólk deitar á ameríska vísu - þ.e. er endalaust og í langan tíma að stunda það að fara út að borða eða í bíó með einhverjum sem það er ekki að ríða - þá er annaðhvort um vináttusamband/kunningskap að ræða - eða þá að viðkomandi er að fara MJÖG illa með peningana sína. Ef svoleiðis deiting þróast í ríðingar - þá ertu hins vegar komin/n með kærustu/kærasta eða ríðufélaga - og þá hættir maður að nenna að fara á deit!
Í það minnsta hef ég aldrei saknað þess í mínum samböndum að ekki er til íslenskt hugtak sem nær DATE algerlega - enda held ég að DATE séu ekki til á Íslandi...

Crossover getur verið tengiliður, samspil, blanda, bræðingur. Trendsetter er bara leiðandi afl eða leiðandi aðili. Outlet er bara útsölumarkaður og Fusion er jafnvel það sem sumir kalla tilraunaeldhús.

Mér sýnist reyndar að meiningin sé að fólk búi til glæný orð, og þá stök orð.

Dæmi: Trendsetter = forystutískutík

Mér finnst allar setningarnar hans Ívars vel skiljanlegar (og flestar mínar líka) - án þess að þurfi að bæta trendsetter/fusion aftan við - nema þú sért einfaldlega að ræða við málheftan fábjána.

Íslenska skilgreiningin á Date er réttilega ekki til. Fólk er saman, er bólfélagar eða bara vinir.

Málið er það að málheftum fábjánum fjölgar með degi hverjum því miður.

Það er samt óþarfi að eyða orðum á þannig fólk!

rétt, rétt. Mér finnst samt furðulegt að komin skuli vera samkeppni um orð sem í raun er hægt að orða á annan hátt en verið er að fiska eftir. Menn eru að skjóta sig svolítið í fótinn með þessu.

Þetta var akkúrat það sem ég hafði í huga.

BÆÆNNNG

Að stefnumótast finnst mér flott. Að stefnumótast með einhverri. 'eg var að stefnumótast með honum/henni.

Af deita gæti verið að dufla.
Þau dufluðu hvort við annað.

Í sambandi við ,,að surfa á netinu'' þá ætla ég bara að benda á þennan pistil:
.
.
http://www.baggalutur.is/gestapo/profile.php?mode=vie wprofile&u=37&n=4380

Ívar, ég er ekki alveg sátt við eftirfarandi:
,,Ég deitaði hana lengi (BA-GAK!)
Ég átti í langtímasambandi með henni"
Er ,, með henni" ekki óþarft?
Á maður ekki í ástarsambandi við konu?
Og er eitthvað að því að eiga stefnumót?
.......

Ég ætla nú bara að taka það fram að ég mun ekki nota 'c' í íslensku. Sama hvað hver samþykkir í hvaða stofnun sem er, hvenær sem er.

-

Deit getur verið stefnumót.... eða bara hittingur.

...eða daxetning.

Annars finnst mér að það þurfi ekkert að rembast við að finna stutt orð yfir þessa hluti. Það er allt í lagi að tala sekúndu lengur. Annað er bara leti og liðleskjuháttur.

Nákvæmlega.

Ég er hættur að sörfa á netinu. Hér eftir dunda ég mér á netinu. Það er líka mun skemmtilegra. Sérstaklega á sumum síðum.. ehemm..

heh - eyddu einhverjum af þessum innleggjum út!
HVAÐA SÍÐUR ERTU SVO AÐ TALA UM? SKAMMSKAMM

Sorrí...ehh, fyrirgefið, ég gleymdi mér aðeins yfir net-dundi mínu og ríplæjaði...öhh glæddi vafrarann á síðunni óvart.

ehemm - þú getur þá bara gert það sem þér sýnist og DUNDAÐ þér yfir einhverjum perrasíðum - færð sko ekki neitt hjá mér!

Afar skemmtilegt, ég legg til orðið bræðingur:
Casual
Bræðingslegur (Fatnaður sem fylgir ekki endilega tísku eða formlegum fatavenjum, gjarnan hlýlegur)
Hann var í mjög bræðingslegum fatnaði

Crossover
Bræðingur
Músíkin hans er bræðingur milli popps og rokks

Date
Bræðingur (tvær manneskjur keppast um að bræða hvor aðra)
Ég bræddi hana lengi

Fusion
Bræðings
Á hótelinu er bræðings-eldhús þar sem blandað er saman
asískum og evrópskum mat

Nick
Bræðingur (netnöfn eru jafnan brædd saman úr nokkrum hlutum, nafni og eftir nafni t.d. eða nafni og fæðingarári)
Ég sendi þér MSN bræðinginn minn

Outlet
Bræðingsbúð (alls konar samansafn af fatnaði án skýrrar stefnu eða tísku)
Ég fór í bræðingsbúð í Bandaríkjunum

Skate
Bræða (bretti - æða - bræða)
Við bræddum á Ingólfstorgi í gær

Surf
Ég kíkti á gagnvarpið í gær

Trendsetter
Bræðir (sá sem mótar og bræðir saman stefnur og strauma . Bræðir aðra til að vilja apa ósköpin eftir)
Hún er mikill bræðir í tískunni

Wannabe
Bræðingur (Tilvísun í matseðil Subway, samloka sem vill vera matur en er það samt ekki)
Hann er bræðings rokkstjarna

Svo mörg voru þau orð.