Það vantar alveg að fólk byrji að gera eitthvað í því þegar því blöskrar framgangur fyrirtækja.

Boycott er eitthvað sem íslendingar eru ekki þekktir fyrir. Þessu þarf að breyta. T.d. þegar við viljum refsa olíufyrirtækjunum þá gerum við það með því að nöldra við mömmur okkar eða hundinn. Ótrúleg aðferð sem skilar engum árangri. Miklu nær væri að kaupa ekki bensín af neinum af "þjónustustöðvunum" og færa sig alfarið yfir á sjálfsafgreiðslustöðvarnar. Ef allir taka þátt, þá gerast hlutirnir.

Ísland fyrir íslendinga!

Svo er það með verð á áfengi. Hvernig væri að allir taki sig til og sleppi því að detta í það eina helgi. Bara hver einasti kjaftur. Djöfull væri það öflugt. Láta finna fyrir sér.

Get ég fengið Amen!

Verð á prenthylkjum er fáránlegt. Allir ættu að fara að kaupa prenthylki af netinu. Láta þessa asna í Elkó sjá hver ræður.
Reyndar er margt fleira sem hægt er að kaupa af netinu. Spurning um að stofna heimasíðu sem sérhæfir sig í að finna netverslanir fyrir fólk og versla fyrir fólk. Það væri assgoti flott dæmi.

Feel the power!

Hættum að vera hrædd við að verslanir refsi okkur og sýnum kaupmönnum hver ræður.

(p.s. Ég fékk hugmyndinga að þessu félagsriti við að lesa félagsrit St. Plastik um vald)