Á föstudaginn áskotnaðist mér aur, sem að ég kaus að eyða í áfengi og vændiskonur. Nei! Bara að gantast enda er ég tryggilega giftur maður og myndi aldrei leggja hjónaband mitt í slíka hættu. Ég hringdi í æskuvin minn í gegnum fastlínusíma og samþykkti hann boð mitt um að kíkja á Túlkinn þar sem að Nicole Kidman fer með aðalhlutverkið. Reyndist myndin vera feykigóð og veitti hún manni skemmtilega innsýn á þing Sameinuðu Þjóðanna.

Ef að SÞ myndi halda keppni á milli landa í tillögum og hugmyndum að friðarsáttum eða annarra áætlana til að bæta ástand heimsins myndi ég halda með Norður-Kóreu.