— GESTAPÓ —
Hexia de Trix
Heiðursgestur.
Pistlingur - 3/11/07
Flóttinn mikli

Sumir ættu að lesa Litlu gulu hænuna aftur!

Þegar útrásar-ævintýrið fór á hvolf í haust þá fór að bera á annarskonar útrásarröddum.
Það voru raddirnar sem vildu flytja til útlanda, fara burt frá þessu guðsvolaða skeri og flýja ástandið. Þetta eru ekki raddir námsfúsra Íslendinga sem ætla að verða sér úti um þekkingu annars staðar og koma svo aftur heim á Frón. Þetta eru heldur ekki raddir þeirra sem hafa lengi látið sig dreyma um ævintýri erlendis í 1-2 ár, bara svona til að bæta í reynslusarpinn.

Nei, þetta eru raddir þeirra sem ætla að fara til útlanda og vera þar þangað til ástandið verður betra hér á Klakanum.
Ha? Þar til ástandið verður betra? Hver á þá að laga ástandið? Hinir sem eftir verða? Og haldið þið, helvítis heiglarnir ykkar, að ykkur verði bara fagnað þegar þið komið aftur? Að það bíði ykkar lúxusíbúð með súkkulaðimola á koddanum?

Ekki aldeilis! Ég skal sjálf taka að mér að standa við landganginn með kökukeflið á lofti - Liðhlauparnir ykkar!

   (2 af 32)  
3/11/07 03:00

Bu.

Litla gula öndin.

3/11/07 03:00

krossgata

Mæl þú kvenna... eh anda heilust. Ég skal aðstoða þig.

3/11/07 03:00

Ívar Sívertsen

Hexia... ég hef lengi svermt fyrir því að við flytjum eitthvað annað, óháð ástandinu. Þýðir þetta að við ætlum ekki að prófa það?

3/11/07 03:00

Hexia de Trix

Ég hef sagt þetta áður Íbbi minn og ég skal alveg segja það aftur: Ef þú vilt flytja þá er það ekkert mál. Þú bara veist það að ef þú vilt fara út fyrir Hafnarfjörðinn þá ferðu einn. [Glottir ógurlega]

3/11/07 03:00

Ívar Sívertsen

[sækir hlekki og kaupir flugmiða]
Svona komdu kerling
[hlekkjar Hexiu]
Þú ferð með frakt!

3/11/07 03:00

Vladimir Fuckov

Hvernig væri að flytja Hafnarfjörð í heilu lagi til Svalbarða eins og gert var við Ísafjörð ? [Ljómar upp]

3/11/07 03:00

Ívar Sívertsen

NEEEEI... ekki Svalbarða... Frekar Spán eða Holland eða Ítalíu!

3/11/07 03:00

Hexia de Trix

Það breytir því ekki að um liðhlaup væri að ræða.

3/11/07 03:00

Upprifinn

Áfram Hexia.
þó að auðvitað sé það óttaleg þvermóðska að vilja ekki fara úr Hafnarfirði.

3/11/07 03:00

Ívar Sívertsen

Sko, ég hef alltaf verið á þeirri skoðun að maður eigi að skoða heiminn og njóta þess sem hann býður upp á þegar maður hefur getuna og möguleikana.

3/11/07 03:00

Villimey Kalebsdóttir

Nei heyrðu nú mig! Hexia VERTU STERK. Ekki láta undan manninum og láta hann draga þig úr fyrir landsteinanna. VERTU FREKARI EN HANN.

3/11/07 03:00

Ívar Sívertsen

Iss... það tekst aldrei!

3/11/07 03:00

Einstein

Ég flutti fyrir löngu til Sviss. Þá var ástandið reyndar nokkuð gott heima á Íslandi og vil ég því ekki meina að ég hafi hlaupist undan merkjum. Hins vegar er ástandið stöðugt hér og hagvöxtur verið nokkuð góður undanfarin ár. Svissarar eru líka mjög rólegir í tíðinni og mikið fyrir lífsins lystisemdir. Það er gott að búa í Sviss.

3/11/07 03:00

Offari

Hexia ég neita að kalla flóttamennina liðhlaupa. Það að fýja atvinnuleys, með skuldabagga spiilnginnar á bakinu kalla ég frekar sjáslfsbjargarviðleitni. Það er sárt að missa fólk úr landi en ég get vel skilið það fólk.

3/11/07 03:00

Günther Zimmermann

Ef helv. íhaldinu verður ekki fargað fljótlega er það ekki liðhlaup að yfirgefa skerið, heldur nauðvörn. Og hún er ekki heigulskapur.

3/11/07 03:00

Einstein

Mér þykir merkilegt að þrír menn hafi sett inn orð í belg á sömu mínútunni.

Ég er sammála Günther varðandi íhaldið. Það þarf að víkja og þó fyrr hefði verið!

3/11/07 03:00

Grágrímur

Ég er nú mikið að huxa um að drullast bara aftur heim og redda ástandinu... [glottir eins og fífl.]
Veit einhver um ódýrt húsasund til leigu og eitthvað handa mér að gera?

3/11/07 03:01

Huxi

Vertu nú ekki svona assgoti svartsýn... Það eru alltaf einhverjir lúserar og heybrækur sem geta ekki annað en flúið þegar á móti blæs... Farið hefur fé betra... Við erum hvort eð er búinn að fá svo margt öndvegis fólk hingað í staðinn. Fólk sem er vant því að vinna mikið fyrir lúsarlaun... Fólk sem er vant því að stjórnvöld séu ekki að huxa um hag þess... Fólk sem er vant því að þurfa að standa í biðröðum eftir brauði... Fólk sem er vant því að aka um á gömlum, lélegum bílum og þurfa að gera við þá sjálft... Fólk sem er snillingar í því að stunda vöruskipti og reka neðanjarðarhagkerfi með gjaldeyri, sprútt og fleiri nauðsynjar... Fólk sem er vant því að lögreglan er ekki að vinna fyrir fólkið, heldur spillt stjórnvöld... Fólk sem kann lag á að koma upp sínum eigin dómstólum þegar dómskerfið situr með þumalinn frosinn í borunni á sér og gerir ekkert gegn óréttlæti heimsins...
Það eina sem við sem eftir sitjum, þurfum að gera svo að við getum byggt upp hið nýja Ísland með þessu ágæta fólki, er að læra pólsku...

3/11/07 03:01

Lopi

Ég er að hugsa um að gerast sláttumaður á engjum.

3/11/07 03:01

Kiddi Finni

Dzen dobre, Huxi!
og: Spyrjið ekki, hvað landið getur gert fyrir yður, heldur...

3/11/07 03:01

Garbo

[Þakkar fyrir að þekkja ekki svona fólk]

3/11/07 03:01

Hexia de Trix

Offari:
Ég er ekki að tala um þá sem ætla aldrei að koma aftur. Farið hefur fé betra, eins og Huxi segir. Ég er að tala um þá sem bera fyrir sig atvinnuleysi, en hafa ekki einu sinni gáð hvort það sé enn verið að ráða í umönnunarstörf á elliheimilinu eða skúringastörf á sjúkrahúsinu. Fínir bankakallar sem þykjast of góðir í þess háttar störf. Fólk með, eins og þú segir, skuldabagga spillingarinnar á bakinu - sinnar eigin spillingar! Risalán fyrir dýrum og flottum bílum og heimabíóum og heimsreisum!
Ég held að fólk ætti aðeins að skoða hvort ekki sé hægt að búa til önnur verðmæti - búa sér til störf. Fara að rækta búfénað eða stofna kjörbúð (er baugur hvort eðer ekki á leiðinni á hausinn?) - Þetta sem heitir sjálfsbjargarviðleitni!

Ég er semsé að tala um það fólk, sem þykist of gott til að standa í brasinu við að byggja aftur upp landið, en ætlar samt að njóta ávinningsins. Svona eins og dýrin sem vildu ekki sá fræinu en voru alveg til í að borða brauðið!

3/11/07 03:01

Ívar Sívertsen

Og brauðið verður bakað úr sama maðkamjölinu og áður og fræið falsað!

3/11/07 03:01

Fræ

Hvaða rógburður er þetta um mig, hvað hafið þið á móti mér?

3/11/07 03:01

Texi Everto

Ég legg sléttuna að baki og fer upp á Bakbrotsfell þegar harðnar í ári.

3/11/07 03:01

Offari

Er að styttast í stjórnarslit hjá Sívertsensetrinu? Hexía sjálfur er ég heimakær og vildi helst búa á Húsavík sem er fallegasti staður í heimi. Þessvegna hef ég aldrei þurft að leita út fyrir landssteinana af því að ég veit vel að grasið er grænast hér á landi. Systir mín er atvinnulaus en henn standa til boða tvær vinnur Önnur vinnan er hérlendis á lúsarlaunum en hin vinnan er erlendis með tölvert hærri launum. Valið er erfitt fyrir hana en ekki mun ég lá henni það þótt hún yfirgefi landið vegna vonar um betra líf.

3/11/07 03:01

Lepja

Bara af því að þú ert of hrædd við útlönd þá þarftu ekki að segja að aðrir séu heiglar. Ef ég flyt til útlanda þá ætla ég sko ekki að skammast mín fyrir það. Þú átt frekar að skammst þín fyrir að setja út á mig og mína líka sem vilja betra líf en stendur til boða hér með þessari kolrugluðu fordómafullu þjóð.

3/11/07 03:01

Galdrameistarinn

Jæja þá.
Þar með er það ljóst að ég kem ekki til landsins næsta áratuginn eða .þá að ég verð að laumupúkast til landsins án þess að Hexía komist að því svo maður verði ekki barinn í köku með kökukeflinu ógurlega.
[Dæsir aftur og aftur og...........]

3/11/07 03:01

Upprifinn

Kæra Lepja og fleiri.
það er ekki eins og þið séuð að fatta hvað um er að ræða.
það er fullt af fólki sem tókekki bara þátt í ævintíragróðærinun heldur voru beinlínis gerendur í því sem ætla að láta sig hvefa tímabundið úr landi og skríða svo heim þegar þeir sem eftir sitja hafa borgað brúsann fyrir Íhaldið og víkingana frábæru.
Þetta sama gerðist í Færeyjum og mun líka gerast hérna. Það verður hins vegar ekki eins auðvelt fyrir okkar rottur að redda sér erlendis og það var fyrir þær færeysku því að núna er allstaðar erfitt en færeyska kreppan var meira staðbundinn.
Þannig að Lepja mín farðu bara en láttu þér ekki detta í hug að við tökum þér fagnandi ef þú ætlar að koma til baka um leið og það versta er yfirstaðið hérna.
Það er hins vegar fólk eins og Litla Laufblaðið sem við fögnum. fólk sem kemur heim þegar við þurfum mest á góðu fólki að halda.

3/11/07 03:01

þjóðarbaggi

Hexía ég mæti með mitt kökukefli ...
[ Glotti :) ]

3/11/07 03:01

Lepja

Ég vil ekkert að þú fagnir mér Upprifinn. Gæti ekki verið meira sama um þínar skoðanir varðandi hvar ég bý. Ber enga virðingu fyrir fólki sem þykist vera eitthvað betra en ég vegna þess að það vill búa á Íslandi og segir að ég sé verri manneskja fyrir að vera komin með nóg af fordómum og leiðindum.

3/11/07 03:01

Þarfagreinir

Ég lái engum sem flýr land. Ef við 'rotturnar' höfum engin tök á að breyta neinu sem máli skiptir í þjóðfélaginu (samanber það að enginn okkar ráðamanna hefur enn axlað ábyrgð á neinu, né boðað nokkrar lausnir eða breytingar), hví ættum við ekki að yfirgefa sökkvandi skip? Og hví ættum við ekki að koma til baka þegar betur árar?

Ég hef til að mynda lagt mitt af mörkum til þessa þjóðfélags í gegnum árin, og ekki safnað óhóflegum skuldum. En núna þegar einhverjir mér algjörlega ótengdir hafa komið landinu í þrot, þá vill Hexia og fleiri að ég til að mynda tæki að mér starf sem ég hef engan áhuga á að vinna við, ef til þess kæmi. Þetta yrði ég að gera einungis af því að það er víst mín skylda, sem Íslendingur, að taka það í görnina og sökkva með skipinu. Merkilegt.

Reyndar er þetta allt saman reyndar fræðilegt. Í fyrsta lagi held ég enn sem komið er minni 'fínu' vinnu, og í öðru lagi myndi ég örugglega aldrei nenna að flytja út, þar sem ég er latur.

Annars er þetta hárrétt hjá Huxa, með Pólverjana. Ég lái þeim það heldur ekki þó þeir snúi aftur heim.

3/11/07 03:01

Kargur

Gott rit Hexía.
Síðan ég flutti heim fyrir hálfu öðru ári hefir ástandið heldur betur breyst. Ekki tók ég í þessu fjandans eyðslufylleríi sem nýlega lauk. En ég mun taka þátt í fökking timburmönnunum engu að síður. Það er fúlt.
En hér vil ég engu að síður vera. Hvað sem öllum timburmönnum af annar völdum líður.
Staða mín í bandaríkjahreppi stendur mér til boða og mun sennilega gera meðan menn muna enn eftir mér þar. Frekar mun ég taka út annarra manna þynnkur hér.

3/11/07 03:01

Þarfagreinir

Eftirfarandi mætti hæglega koma í stað langlokunnar hér fyrir ofan:

Ég lít á heiminn allan sem heild. Fólk ætti að mega búa þar sem það vill búa hverju sinni án þess að hnýtt sé í það vegna þess.

3/11/07 03:01

Kiddi Finni

Í alvöru talað: Hexia virðist gagnrýna mest móral og hugarfar hjá þessum nútímauppum, sem fletta rjómann allstaðar, klúðra öllu hér og fara svo í eitthvað annað meðan hinir byggja landið upp aftur og borga reikningana. Þar er ég sammála henni og mörgum.
Og Lepja, ekki taka þetta svo nærri þér nema þú sért seðlabankastjóri í raunheimum...
En svo er það að í kreppunni missa margir vinnuna og geta kannski fundið eitthvað erlendis, koma svo aftur heim eftir nokkur ár reynslunni og þess vegna nokkrum evrum eða krónum rikari. Allt í lagi með það. Svo eru margir sem fara á milli landa útaf námi eða ástum eða ævintýraþrá, eins og hefur gerst hjá nokkrum.

3/11/07 03:01

Lepja

Ég sé hana ekki tala neitt um bankastjóra. Hún segir bara að það eigi að hóta fólki barsmíðum ef það flytur til útlanda og kemur aftur heim seinna þegar ástandið er orðið betra.

3/11/07 03:01

Regína

Hexia með kökukefli sama og barsmíðar? Hvað ertu búin að vera hérna lengi Lepja?

3/11/07 03:02

Andþór

Ég er búinn að eyða of miklum tíma í að læra íslensku til að flytja til útlanda.

3/11/07 03:02

Günther Zimmermann

Hexía, þú gleymir einu. Imba Solla er búin að segja það að við séum ekki þjóðin, og Grei líkti okkur við dagblað sem hann taldi að enginn læsi (m.ö.o.: hann hefur engan áhuga á því sem þjóðin segir), þannig að fyrst blessuð stjórnvöldin vilja ekkert með mann hafa, af hverju ætti maður þá að hjálpa þeim að moka skítinn? Auk þess sem allar líkur eru á því að sama helvítis hálfvitahringekjan fari aftur á gang, verði þessum landráðamönnum ekki komið fyrir kattarnef.
Þeir sem sitja uppi með síhækkandi húsnæðislán (einnig nefnd átthagafjötrar) eiga alla mína samúð. Það er ekki rétt sem Björgólfur eldri hefur reynt að ljúga að fólki að 'allir' hafi tekið þátt í þessu, því þak yfir höfuðið er ekki bruðl. En þeir sem eru svo lánsamir að vera frjálsir við skuldaklafa ættu að koma sér héðan sem fyrst – þegar fullreyndar eru árangurslausar tilraunir til að kenna pólitíkusum og embættismönnum grunnatriði siðmenningarinnar. Takist það hins vegar, er engin ástæða til að fara.

3/11/07 03:02

Günther Zimmermann

Andþór: Ekki gleyma þeim ágætu mönnum Káinn og Stefáni G. sem ólu langan aldur á erlendri grund, en ortu englum líkast á ástkæra ylhýra.

3/11/07 03:02

Garbo

Ég held ég sé komin með lausn. Þeir sem kusu Geira smart verða eftir á skerinu og hjálpa honum við að endurreisa Ísland. Þetta er jú fólkið sem hefur svo mikið vit á fjármálum. Svo þegar búið er að reddessu komum við hin til baka og allt verður gott aftur. [Glottir eins og Ingjaldsfíflið]

3/11/07 03:02

Vladimir Fuckov

Þá þarf nauðsynlega að breyta kosningakerfinu og banna með öllu leynilegar kosningar. Síðan þarf að koma á ströngu landamæraeftirliti sem virkar þannig að verði samdráttur í efnahagslífi skv. einhverjum viðurkenndum mælikvörðum hafa þeir einir leyfi til að yfirgefa landið sem eigi kusu þá sem voru við völd þegar samdrátturinn varð [Glottir eins og fífl].

3/11/07 03:02

Tina St.Sebastian

Ég er búin að vera á leið úr landi í mörg ár - það tengist kreppunni ekkert. Það er ólíft á þessu skeri hvort sem er.

3/11/07 03:02

hlewagastiR

Ég hef svo sem engan áhuga á þessari umræðu. En það er hér sem allir skrifa svo að ég geri það þá líka. Þetta er eins og með ömurlegustu skemmtistaðina þar sem örtröðin er þó mest og biðröðin lengst. Þangað fer maður. Skilst mér.

3/11/07 03:02

Huxi

Innlegg Hlebba er það annað gáfulegasta við þetta félaxrit... Á eftir mínu...

3/11/07 04:00

Hexia de Trix

[Dæsir] Það virðast allir misskilja mig nema Finninn. Svo vil ég benda Lepju á að ég hef aldrei verið hrædd við útlönd - hef prófað þau allmörg í lengri og skemmri tíma. Alveg merkilegt hvernig þér tekst að lesa eitthvað annað en stendur.

3/11/07 04:00

Einstein

Mér sýnist Lepja gjörsamlega misskilja tilganginn með Gestapó.

3/11/07 04:01

Ívar Sívertsen

Mér finnst undarlegt hvað fólk tekur þessu illa. Ef maður missir vinnuna þá leitar maður að nýrri og tekur umönnunardjobbið frekar en ekki neitt. Þeir sem voru farnir fyrir hrunið eða eru við nám teljast ekki liðhlaupar. Þeir sem hins vegar ætla að ganga í lið með útrásarliðinu og skilja okkur hin eftir með skuldir þeirra til að borga, þá á ég við að stinga af frá ôllu saman og við hin borgum brúsann, eru skíthælar og dusilmenni. Grundvallaratriðið í þessu er að það var brotist inn â þjóðarheimilið, kúkað á gólfið og migið í gardínurnar og verðmætum stolið. Ef þetta gerðist heima hjá þér, myndirðu hreinsa til eða labba út og bíða þess að einhver annar kæmi að þrífa óbeðinn? Við verðum að standa saman sem þjóð og taka saman til á þjóðarheimilinu. Við verðum líka að reka óknyttaunglinginn að heiman sem varð til þess að hann og félagar hans brutust inn hjá okkur. Við þurfum að tala alvarlega við húsbóndann á heimilinu því hann vildi bíða aðeins með að láta lögguna vita enda í góðu föðurlegu sambandi við unglinginn. Við þurfum að eiga mjög alvarlegt spjall við húsmóðurina um það af hverju hún tók þátt í yfirhylmingu húsbóndans. Við þurfum að húðskamma afa gamla fyrir að hafa látið unglinginn hafa stigann til að auka aðgengið. Við hin börnin sitjum hér, valdalaus og hálf verðlaus en við getum víst ekki svarið það af okkur að hafa fæðst inn í þessa fjölskyldu sem kallast ÍSLENDINGAR. Nú tökum við höndum saman og gyrðum í brók og tökum til á þessu heimili og setjum upp almennilegt þjófavarnarkerfi og jafnvel vörð fyrir utan.

3/11/07 04:01

krossgata

Nei ég misskildi þig ekki Hexia mín og geng í kökukeflisliðið. Hefði kannski átt að skýra það betur?
[Klórar sér í höbbðinu]

3/11/07 04:01

Tina St.Sebastian

Ívar: Ef það yrði brotist inn hjá mér og því litla sem ég á stolið, þætti mér frekar hart ef tryggingarnar neituðu að borga vegna þess að ég hefði átt þetta skilið. Hvað þá að mér dytti í hug að standa hjá þegjandi og hljóðalaust ef þjófarnir sjálfir slyppu með því að halda því blákalt fram að ég væri þjófur sjálf.
Ef það ætti svo að bíta höfuðið af skömminni með því að láta þjófana sjálfa hafa lykla að heimilinu undir því yfirskini að þeir ættu að sjá um að taka til, myndi ég flytja.

3/11/07 04:01

Þarfagreinir

Kiddi Finni á þakkir skildar fyrir að benda á hvað Hexia sagði í raun og veru. Svona umræður fara allt of auðveldlega út í eitthvað allt annað en hefjandi þeirra hafði í huga.

3/11/07 05:01

Tæknileg mistök

Við Framsóknarmenn höfum einmitt bent á þá staðreynd að það sé heillavænlegra að flýja land en að húka hér undir ægivaldi Sjálfstæðisflokksins. Ef Íslendingar vilja halda einkennum sínum þá er um að gera að einangra þessa Sjálfstæðismenn og skilja þá eftir í súpunni.

3/11/07 05:01

Hexia de Trix

Æ, ég á stundum ákaflega erfitt að koma að mér orði.
Það sem ég vildi samt sagt hafa, felst mest í sögunni um litlu gulu hænuna.

3/11/07 05:02

Gísli Eiríkur og Helgi

Íslendingarnir sem eru eftir á ströndinni þegar báturinn er í kaf eru þeir sömu og sem flúðu fylkiskonunga Norges á landnámsöld. Öndvegissúlurnar eru ölmussur vinaþjóða.
án þeirra gæti ekki einu sinni kakóið hennar Hexíu reddað málonum . Íslendingar sem fara út í hinn víða heim til að sjá sér og sínum fyrir nauðþurtum lífsins eru
ekkert nema nýir framsóknarmenn hinnar íslensku þjóðar Ólafir Jóhannessynir og Dennar Dæmalausu framtíðar

3/11/07 06:00

Nornin

Mig langar að flytja... ég kom okkur ekki þessa súpu, ég tók lítinn þátt í "góðærinu", afhverju ætti ég að borga skuldir þeirra sem það gerðu?

En ég hef ekki efni á að flytja af landi brott. Ég er fangi í mínu eigin ofdekraða, vanþakkláta þjóðfélagi.

Ég tel mig ekki heigul og ég geri ekki ráð fyrir að fá lúxusíbúð.. ekki frekar en núna.

En djöfull langar mig að flytja frá þessu landi íhalds og spilltra stjórnmálamanna (sem ég hafði heldur ekki hönd í bagga við að koma til valda, bara svo það sé á hreinu!).

3/11/07 06:00

Ívar Sívertsen

Þá er ein spurning. Fyrir hverju voru þá ömmur okkar og afar að berjast? Fyrir því að þjóðin stingi af úr fullvalda ríki, stinga af frá okkur hinum sem viljum að það verði til íslensk þjóð áfram? Það er ekki göfugmannlegt að flýja vandann þó svo að aðrir hafi skapað hann. Það gerir lífið óbærilegra fyrir okkur hin sem áttum ekki heldur hlut að máli. En hitt er annað að mig langar að flytja út og hef átt þann draum í 10 ár. Mig langar að læra meira og koma aftur reynslunni ríkari, óháð þjóðfélagsástandinu.

3/11/07 06:00

Nornin

Uss... það þýðir ekkert að ræða þetta við mig.
Ég vil meira að segja ganga í Evrópusambandið!!!

[Dregur stjörnum prýddan bláan fána að húni við setrið]

3/11/07 06:00

Ívar Sívertsen

Það vil ég reyndar líka en það þýðir samt ekki að við glötum sjálfstæðinu.

3/11/07 06:01

B. Ewing

Ætli Jótlandsheiðar séu enn á lausu? [Klórar sér í höfðinu]

3/11/07 06:01

Lepja

Regína: fær maður aðgang að einhverjum leynikóða þegar maður er búin að vera ákveðið lengi? Kökukefli á lofti þýðir í minni sveit að það standi til að lemja með því. Ég veit ekki hvað það þýðir annað?

Einstein: hver er tilgangurinn ef annar en að tjá sig?

Hexia: og þú fékkst að koma til baka án þess að vera lamin með kökukefli? Mikið varstu heppin að mæta ekki sjálfri þér við landganginn.

3/11/07 07:00

Hexia de Trix

Lepja, það er greinilegt að við erum tvær gagnstæðar hliðar á teningi. Við munum aldrei finna neinn snertiflöt þar sem við getum skilið hvor aðra.

9/12/08 03:00

Ívar Sívertsen

[laumupúkast]

Hexia de Trix:
  • Fæðing hér: 9/11/04 23:04
  • Síðast á ferli: 22/2/23 12:33
  • Innlegg: 5327
Eðli:
Prakkaranorn
Fræðasvið:
Galdrar, töfrar, hrekkir, tvíræðni, bókasafns- og upplýsingafræði.
Æviágrip:
Missti stjórn á sjálfri sér þegar hún var stödd í Undirheimum fyrir nokkru og náði happapeningnum þegar Frelli lagði gildru. Er nú stoltur eigandi happapeningsins, en man ekki lengur hvað hún ætlaði að gera við hann.