Jólasveinninn með haglabyssu í hönd, Marsbúar dulbúnir sem álfar, ókláruð sviðsmynd og hinn sanni jólaandi. Þessi mynd hefur eitthvað fyrir alla aldurshópa.
Jólasveinninn Sigrar Marsbúana eða <i>Santa Claus Conquers the Martians</i> eins og hún heitir á frummálinu var jólamyndin árið 1964 og naut ómældra vinsælda yngstu kynslóðarinnar. Ég hef skrifað gangrýni um meistaraverkið af leiðindum.
Saga okkar hefst þegar Kimar hinn ógurlegi, keisarinn af Mars og Chochem aðstoðarmaður hans ákveða að ræna Jólasveininum og færa hann fanginn til Mars. Ástæður þeirra fyrir því illskuverki eru óljósar og kenni ég handritshöfundum um. Þrátt fyrir mótþróa jóla-álfanna -- sem eru sumir hverjir vopnaðir hafnaboltakylfum -- tekst Marsbúunum að ræna Jóla gamla og tveimur mennskum óþekktarormum í leiðinni, þeim Billa og Bettý.
Á Mars er Jóli látinn vinna við leikfangagerð í einskonar þrælkunarbúðum. Er hann ekki sáttur við hlutskipti sitt og leiðir byltingu þræla gegn hinum illa Kimar, og valdaklíku hans: Dropo, Voldar, Torg, Momar og guð má vita hverjum. Góðum hluta myndarinnar er varið í þessa byltingarsenu, þar sem Jólasveinninn stendur sjálfur fyrir mestu barsmíðunum. Stundum vopnaður frammúrstefnulegum Marsískum vopnum, svo sem örefnaleysinum, til þess að fá sínu fram. Margir grænfarðaðir aukaleikarar mega liggja í valnum í lok myndar, þegar Jóli drepur svo Billa og Bettý (þó óviljandi). Stelur hann svo geimskipi og stýrir því heim til jarðarinnar.
Það er enginn spurning að hér er á ferðinni ein sú besta jólamynd allra tíma. Enginn önnur sýnir hinn rauðklædda dýrling jólanna slátra heilum kynstofni geimvera á svo skoplegan máta. Það er til marks um gæði myndarinnar að hún hafði áhrif á heila kynslóð kvikmyndagerðarmann sem gera sínar eigin myndir í dag, fjörtíu árum seinna.
Fær meistaraverkið fjórar stjörnur. Fengi hún fullt hús stjarna ef þeim hefði hugkvæmst trúverðugri söguþráður, en annars er þetta stórfín kvikmynd.
Föstudagsmúgurinn er núna hjer [Ljómar upp og lætur öllum illum látum]
Sk<HIC>ál<HIC>ver ! [Sýpur á fagurbláum drykk úr álglasi (þess ber að geta að eigi er drykkurinn framleiddur úr álglasi)]
Merkilegt að ég hafi aldrei séð þessa mynd.
Álskál! [Veltir því fyrir sér hvað sé hægt að framleiða úr álglasi.]
Afsakið hvað ég er sein, en ég þurfti að mæta í matarboð til móður minnar. Maður verður stundum að sinna mæðrum sínum.
En skál!!!!!
[Sýpur á asnahalastéli]
Nei þetta er ekki stelpuþráðurinn. Þetta var líka föstudagsmúgur ekki laumuþráður.
Það er nú meira nafnaflóðið á þessum þráðum ykkar. Súg, föstudagsmúgur, laumupúkaþráður... Getum við ekki fundið samheiti á þetta allt? Ég fæ hausverk á því að leggja svona margt á minnið [Ber sig aumlega]