Í tilefni af nýlega skrifuðu félagsriti Ísdrottningarinnar um biðraðir, meðan ég var sambandanslítill við landið, þá fannst mér ég verða að senda frá mér þær viðmiðunarreglur sem gott er að fara eftir þegar valin er jafn alvarlegur hlutur og biðröð.
Hvað fer hratt og hvað fer hægt:
Fyrst þarf að líta á fólkið í röðinni. Þar ber að nefna ýmsa þjóðfélagshópa eins og til dæmis einhleypa, börn og unglinga, fjölskyldufólk, ellilífeyrisþega, hjón og fólk að kaupa í reikning (fyrir mötuneyti og fyrirtæki). Hvernig hraði er á hverjum hóp fyrir sig er ritað í áhættuhópalistann.
Næst er að athuga það hver er að afgreiða og hvernig hann /hún ber sig að.
*Standandi = hratt.
*Sitjandi = getur verið bæði sæmilega hratt en einnig mjög hægt.
Sé verslað alltaf í sömu verslun er besta ráðið að finna duglegasta starfsmanninn á kössunum og velja alltaf hans /hennar röð nema ef margir aðillar úr áhættuhópum eru að bíða í nákvæmlega þeirri röð. Eiga þá einn/eina til vara ef svo ber undir.
Einnig þarf að kanna hve marga á eftir að afgreiða. Hver afgreiðsla tekur almennt jafnlangan tíma sama hvort fólk er með hálftóma kerru eða troðfulla. Ein afgreiðsla á til dæmis stórri kerru af matvælum er fljótari afgreiðsla á 6 – 10 flíkum eða handkörfu af árstíðabundinni vöru/gjafavöru.
Einnig ber að líta sérstaklega á hvað hver og einn er að kaupa. Algengar matvörur, flýta fyrir, mikið grænmeti tefur hinsvegar, búsáhöld, leirmunir, gjafavörur og allt slíkt tefja, föt tefja afar mikið og ber að forðast allar fataraðir. Allt sem er stórt tefur fyrir því þá er oft vesen vegna ábyrgðarskírteina (sópar, grill, reiðhjól raftæki o.s.frv.) Skoða þarf frystivörurnar með tilliti til þess hvort þær eigi möguleika á að tefja vegna umbúða og lélegra miða á kössum og pokum.
-
Áhættuhópar:
Einhleypir.
Sneggstir eru einhleypir karlar. Þeir kaupa lítið af vörum í einu, þeir borga strax með öruggum hætti, þeir eru snöggir að setja í poka og fara. Sé einhver röð full af slíkum einstaklingum ber undantekningarlítið að velja þá röð.
Þetta eru nefnilega mennirnir sem vita nákvæmlega hvað þeir eiga af peningum því enginn annar er að eyða þeim en þeir sjálfir (þetta hljómar eins og karlremba en er það ekki).
Um það bil 2&½ - 6 einhleypa karlmenn er hægt að afgreiða á sama tíma og flesta aðra þjóðfélagshópa.
Vinir einhleypa mannsins tefja til dæmis ekki fyrir einhleypingnum við kassann.
Um einhleypar konur getur gengt öðru máli þó svo að í flestum tilfellum gerir það það ekki. Til dæmis er algengt að vinkonur afgreiðsludömunar séu að bíða eftir að vinkonan afgreiði þær. Verða þá undantekningarlítið smá tafir vegna kjaftagangs og til að spyrja hvort hún sé búin að prófa þetta gloss eða hitt og hvort þetta sé fitandi nammi eða ekki o.s.frv.
-
Fjölskyldur.
Þarna ber að líta á heildarfjölskyldupakkann og einnig dagatalið. Séu innan við 6 dagar liðnir frá mánaðamótum eða upphafi nýs kortatímabils þá er röðin afar örugg. Sé lengra liðið frá ber að líta nánar á hvort fólkið sé yfir eða undir meðallaunum íslendinga (þ.e.a.s. þessum 4 - 600.000,- á mánuði sem alltaf er verið að tala um í sjónvarpinu en enginn kannast við að fá í hendurnar). Sé það raunin eða sjáirðu glitta í
(platinum)kreditkortið þá hækka líkurnar á hraðri afgreiðslu. Einnig ber að kanna vöruflokkana og meta út frá hraða þeirra hér að ofan.
-
Hjón og pör ber að líta á með tilliti til í hvaða stöðu hjónabandið er. Ef allt er í lagi þá gilda sömu reglur og ef um fjölskyldu sé að ræða.
-
Börn og unglingar hafa lítil áhrif á raðir við búðarkassann. Við sjoppur hafa börn mikil áhrif því þó þau séu búin að horfa á nammið í 10 mínútur þá haf aþau enn ekki ákveðið sig er þau eru spurð.
Ellilífeyrisþegar.
HLAUPTU EINS HRATT OG ÞÚ GETUR Í BURTU! Því miður þá er það bara staðreynd að gamalt fólk eru mestu tímaþjófar starfsmanna á afgreiðslukössum sem þú getur nokkurntíman fundið. Hjá kaupmanninum á horninu var spjallað um daginn og veginn á meðan kaupmaðrinn eyddi hálftíma í að reikna saman vöruverðið miðað við verðbólguna þá um morguninn (eða álíka). Slíkt virkar bara ekki í Bónus.
-
Fólk að kaupa í reikning.
Hér þarf að hugsa eins og um stóra fjölskydu sé að ræða. Þó tefja slíkar afgreiðslur nær undantekningarlaust svo þær ber að forðast almennt.
Vonandi njótið þið ávaxtana af þessarri úttekt.
Góðar stundir.
Þetta var sannarlega merkileg pæling. Ég lendi ósjaldan í minniháttar krísu þegar um tvær raðir er að ræða og veðja ósjaldan á ranga röð.
Ég held að maður væri lengur að velja röð, ef maður ætti að taka þetta allt í reikninginn, en að stilla sér bara upp í eina og vona það besta.
B.Ewing maður, hélt að þetta væri leyndó, nú vita þetta allir. Hvað gerir maður núna..?..
Blessaður vertu Heiðglyrnir. Félagsritið væri 3-falt lengra og ýtarlegra ef tekin væru öll hugsanleg smáatriði með í reikninginn. Þetta eru bara almennu viðmiðin sem koma hér fram.
Fátt pirrar meira en að lenda á eftir fólki sem fer að telja smápeninga í afgreiðlufólkið. Þá er stutt í morðingjann í mér.
Hestamenn eru skelfilegir að vera í röð með. Þá eru píparar lítið skárri. Í guðana bænum farið aldrei í röð með klæðskera né loðnubræðslumanni.
Það er einkum fólk í eldri kantinum sem stundar 7000 króna skyndimynttalningu við afgreiðslukassana Haraldur minn.
Það er eft auðvelt að þekkja fólk á vörunum sem það kaupir líkt og eftirfarandi dæmisaga lýsir:
.
.
Kona nokkur var að versla í Bónus-verslun í hverfinu. Hún var búin að setja 3 lítra af létt mjólk í körfuna ásamt 1 eggjabakka með 10 eggjum, 1/2 lítra af appelsínusafa, 1 höfuð kínakál, kaffipakka og bréfi af beikoni. Ölvaður maður fyrir aftan hana í röðinni fylgdist með þegar hún raðaði þessum hlutum á færibandið við kassann. Þegar kassadaman tók til að lesa strikamerkin inn sagði drukkni maðurinn hæglátlega: "Þú ert örugglega einhleip"! Konunni gramdist þessi ummæli drukkna mannsins en jafnframt fannst henni athugasemdin skondin þar sem það var vissulega rétt, hún var einhleip. Hún virti fyrir sér þessa sex hluti á bandinu og furðaði sig á hvernig í ósköpunum hann gæti komið með svona fullyrðingu
af þessum ósköp venjulegu innkaupum. Forvitnin varð henni um megn svo hún sagði: " Þetta er vissulega hárrétt hjá þér. Hvernig í ósköpunum geturðu séð það??" . . .
.
og drukkni maðurinn svaraði:
.
" Af því að þú ert ljót!"
best er náttúrulega að bara versla þar sem maður getur afgreitt eiginlega bara sjálfann sig!
Lengi lifi ICA Maxi!
Ég er oftast nær rosalega heppin þegar kemur að því að velja raðir, ég lendi meira að segja oft í því að fólk bíður mér að fara framfyrir sig.
Hvort að það er oddmjói hatturinn eða sú staðreynd að ég tala og syng upphátt í búðum veit ég ekki... en það eru alltaf allir rosalega kurteisir við mig.
Ég lendi alltaf í röngu röðini.. Þessari með klinkfólkinu...út í reikningpakk og það sem er verst... ÞEGAR HELVÍTIS VARAN SKANNAST EKKI INN!!! Maður getur orðið alveg spinnegal.
Ég vísa Nermal á að leggja á minnið kaflann um vöruflokkana í félagsritinu. Þar eru til dæmis taldar upp þær vörur sem algengast er að skannist ekki. (búsáhöld, leirmunir, gjafavörur, föt, frystivörur. Allt stórt: sópar, grill, reiðhjól raftæki o.s.frv.)
Ég reyni að velja röðina með fæstu gömlu fólki og fer venjulega út með bros á goggi.