Eftirfarandi er það sem ég fann - án þess að vera að leita - á netinu í gær. Hafa ber í huga að þetta er einungis toppurinn á ísjakanum. Þá er þetta fyrst og fremst til gamans gert þó að öllu gamni fylgi einhver alvara...

Hér er brot úr auglýsingu þar sem um er að ræða 95 milljón kr. hús og sölulaunin því varla undir milljón:

GLÆSILEGT ARKITEKTA HANNAÐ EINBÝLI Á FRÁBÆRUM ÚTSÝNIS STAÐ ÞAR LANDSLANGS MÁLVERK OG GLÆSILEGT ÚTSÝNI ER BER FYRIR AUGU HÚSRÁÐENDA ÚT UM GLUGGANN. (skáldlegt?)

Sérhannaður aren er í stofu og nýtur hanns bæði í stofunni og úr alrýminu.

Bílskúrinn er stór, innbyggður og flísalagður, hann er ekki notaður sem slíkur í dag og eru á honum stórar ál glerhurðar.

Hér er sennilega sett met í fjölda villna í flokki stuttra texta - og það án þess að tekið sé tillit til setningarskipunar og orðalagsklúðurs:
Skrifstofuhúsnæði á annari hæð sem búið er að skipta upp í 12 rými samtals um 370fm allt húsnæðið hefur verið tekið í gegn þ.e. sett ný gólfefni, nýjir tvöfaldir gifsveggir, rafleiðslur og vatslagnir hafa verið tekin í gegn.
Hægt að nýta undir margskonar rekstur.
Gott aðgengi og lifta.

Og ef þið viljið flytja til DÚÐARDALS þá eru tvö EINBÍLI til sölu þar:
Stór skemmtileg 5 herbergja 157,2 fm. einbílishús ásamt 30,2 fm bílskúr

Þessi vekur svo upp spurningar um hversu langt fasteignasalar ganga til að firra sig ábyrgð en í auglýsingunni voru MYNDIR af téðum leiktækjum:
Húsið og sameign er í góðu standi og garðurinn er vel hirtur verðlaunagarður með leiktækjum fyrir börn (að sögn seljanda).

Aðrir gullmolar:
Ég bara vissi ekki að hol kæmu og færu...
Hol með náttúrusteini og parketi (kemur saman í boga) - nýlegur fataskápur /Barnaherbergi með parketi - fataskápur /Eldhús með náttúrusteini á gólfi - mjög falleg uppgerð sprautulökkuð eldri innréting...

Innréttingar ná allar uppí loft og er útsýni til fyrirmyndar á eina þrjávegu.
Já, það er nú betra að útsýnið frá innréttingunum sé í lagi!

Möguleiki er að opna úr íbúð í garð og jafnvel stækka og sömuleiðis kanna að vera möguleiki á stækkun við inngang. Innangengt í sameiginlegt þvottahús og geimsla er innan íbúðar.

Vönduð vinnubrögð kosta ekki mikla fyrirhöfn en á ég að borga fasteignasala sem skrifar ÁKVÍLANDI og GREIÐSLUBIRGÐI 50 þús fyrir að sjá um skjalagerð fyrir mig?

Sem dæmi um ruglið þá er í 134 auglýsingum á mbl talað um ANDYRI (ANDIRI kemur líka fyrir) og í fjölmörgum um HEBERGI (HERBEGI er þó algengara), ELDÚS og INNRÉTINGAR. Í ljósi þess að í fasteignaauglýsingum eru það yfirleitt sömu 10-20 orðin sem koma fyrir aftur og aftur þá er fremur slappt að geta ekki lært þau.

Jájá, ég veit að nú fer Offari að tuða, en mér finnst svona vinnubrögð lítið traustvekjandi og mig kitlar ekki beint í lófana að gefa þessum mönnum alla peningana mína... Fyrir öll sölulaunin ætti að vera hægt að láta lesa þessar auglýsingar yfir - eða hvað? Skiptir kannski bara engu máli (jafnvel hjá fólki sem maður BORGAR fyrir að semja texta) hvernig málfari og stafsetningu er háttað?