Já svona haltu áfram að þrífa gæran þín! - Vertu ekki að reyna að höfða til samvisku okkar með þessu væli...

Ekki væl minn kæri - ber hag þinn fyrir brjósti - ef þið fylgið þessum einföldu reglum þá helst ykkur kannski á konum til að hugsa um ykkur!

Takk fyrir þetta. Jeg sje að jeg er alveg vonlaus í sambúð. Líklega best að sleppa því alveg og hafa hlutina bara eins og maður vill. Fá svo til sín eina þernu í stuttpilsi til að taka til hendinni vikulega. Hvað ættli það kosti í Böggum?

Það myndi kosta þig ísettningu og hana innlimun.

Ég hélt að þetta gerðist allt sjálfkrafa...

Já - auðvitað heldurðu það, elsku sóðapésinn minn !

Jeg skal bara gera þetta sjálfur. NAKINN!

Svo kallaru þá sterkara kynið?

Við hljótum að vera sterkara kynið [forviða]
Það þarf mikinn viljastyrk til að hundsa þessi þöglu og duldu "HINT" sem alltaf er verið að sýna okkur... nei annars.[breytir um taktík]

Það eru til mótrök við öllum rökum. Ég set þetta fram í þakkarskyni fyrir þessi góðu (og loksins skriflegu) hint. Afar vandað og þarft umræðuefni enda er þarna á ferð reginmiskilningur sem sárlega vantar að greiða úr. Ég nefni nokkur dæmi um það sem kom strax upp í hugann.

-Þvottavélar hafa sannað sig sem stórhættuleg drápstól. Af sömu ástæðu reynum við með öllum ráðum að halda kvenþjóðinni frá skurðgröfuakstri.

-Hvað gráleitu papparúllurnar varðar þá eru þær ekki ætlaðar til sjóræningjaleikja heldur í kastalabyggingar. Alveg ferlegt þegar hálfbyggðum glæsihöllum er fleygt eins og þær væru Orkuveituhúsið, LEYFÐU OKKUR AÐ KLÁRA BARA EINN KlÓSETTRÚLLUKASTALA...gerðu það...!!!

-Samhengi fægiskóflu og ruslatunnu er erfitt að koma auga á. Í fyrsta lagi þá hef ég séð og notað nákvæmlega ENGA fægiskóflu sem ekki hellir útfyrir. Hönnun fægiskóflu hefur greinilega aldrei verið miðuð við meðalheimilisruslatunnu. Hér þarf sameiginlegt átak um úrbætur.

-Grjóthart smjör er ónothæft til samlokusmurningar. Lint smjör fæst eingöngu með geymslu við stofuhita. Köld mjólk gerir heitt og gott kaffi að köldu vondu kaffi. Áhrifin minnka ef mjólkin er nær hitastigi kaffisins við blöndun. Tækniþróun í Expressókaffihúsakaffivélum og froðumjólkurgerðar er að koma kaldri mjólk til bjargar og verða þá volgrarmjólkurgeymsluvandræðin vonandi úr sögunni.

-Gallinn á pissinu er sá að upphafsmiðið vantar. Hægt er að skrifa langa og ítarlega pistla um samhengið þarna á milli, hér reyni ég að taka nokkur dæmi og beita samanburðarfræðum við aðra hluti:
Að miða rétt er grundvallaratriði við eftirfarandi. Klósettferðir, billjard/pool/snóker og skotfimi. Í billjard/pool/snóker og skotfimi er hægt að miða rétt, þ.e. setja augað við annan endann á prikinu/byssunni og skjóta. Þetta vantar í klósettferðum. Þá er miðunin álíka góð og ef staðið er upprétt, haldið væri á kjuða/riffli við magann og skotið. Það einfaldlega klikkar mikið oftar. Prófið báðar aðferðir næst þegar þig farið á billjardstofurnar.
Vonandi er þetta nógu hnitmiðað, skýrt og misskilst ekki. Að þrífa sletturnar og úðann (nefndi hann ekki enda flóknara mál) er best að gera sem allra fyrst, því er ég sammála.

Ef nánari rök óskast um fleiri hluti þá endilega láta í sér heyra.

Þér söguðust ætla að halda áfram að vera leiðinlegar en það tilkynnist hér með opinberlega að það mistókst. Þetta var skemmtilegasta félagsritið er birst hefur hér í nokkurn tíma og vakti m.a.s. hjá oss eitthvað er nefnt er hlátur.

Krumpa, þó ég sé hamingjusamlega giftur og eigi tvær yndislegar dætur þá verð ég að segja: Ég elska þig... já eða þannig... ég náði alla vega að hreinsa vel út úr tárakyrtlunum og hláturbelgnum við þennan lestur.

En alltaf þarf maður að svara. Ég get tekið undir með B. Ewing með að miða. Ef maður er staddur á almenningssalerni, beztu sæti eru upptekin og einungis stæði laus þá er ferlega asnalegt að reyna að setjast á pissuskál og pissa ekki útfyrir. En þetta var nú bara útúrsnúningur.

Leiðbeiningar kvenna um þvottavélar eru frekar flóknar og virðast þeim einum aðgengilegar. Tökum dæmi: Þú setur samlitan þvott á prógram 4 og 40°c. Setur þvottaefni í hólf 2 og mýkingarefni í hólf 3. En ef það er flís þá sleppirðu mýkingarefninu og setur þá jafnvel líka á forþvott og þá sápu í hólf 1 en þá minni sápu í hólf 2. Ef þú ert að setja á suðu þá stillirðu á prógram 2 og 90°c og setur þvottaefni í bæði hólf 1 og 2 og síðan mýkingarefni í hólf 3 en passaðu að það sé ekki eins mikið og þegar þú setur á 40°c því að það er bara sóun. En ef þú ætlar að þvo mjög skítugan þvott þá er kannski best að setja á forþvott með sápu í 1. hólf, þvott með sápu í 2. hólf og mýkingarefni í hólf 3 en þá stillirðu á prógram 3 og 40°c en ef það er 50°c eða 30°c þá ferðu eftir því. Passaðu samt að það fari ekki of mikið í vélina.
Þegar leiðbeiningarnar eru komnar í þennan farveg er gott að gera sér upp íþróttameiðsli, magaverk og skyndilega ferð á salernið, símtal frá vinnuveitanda / kennara þar sem þín er óskað med det samme.

Ég hef reyndar samið við konuna mína um að hún sjái um þvottinn eftir að við áttum einu sinni voða mikið af allt of litlum bolum. Hún sér um þvottinn og ýmsa tiltekt á meðan ég má eiga eldhúsið. Og það leiðist mér ekki.

Frábær pistill

Sem piparsveinn, þá þakka ég kærlega fyrir þessar upplýsingar... salút

Ég skil ekki alveg af hverju konur vilja að við karlmenn sönnum yfirburði okkar á ÞESSU SVIÐI líka. Við erum búnir að á svo undirgefinn og alúðlegan hátt að gefa ykkur fullt færi á að ná færni og einkarétt á þessum störfum. Nær væri að þið þökkuðuð okkur fyrir að fá að hafa eitthvað "svona fyrir ykkur". Við karlmenn erum með lægri meðalaldur en konur, ástæðan : karlmenn láta oftar lífið við störf sín, eða keyra sig meira út við vinnu sína. Reynið ekki að segja að þið séuð "betur hannaðar" og lifið þar af leiðandi lengur. Nei, staðreyndin er sú að karlmenn leggja meira í sölurnar yfir ævina og láta lífið fyrir það.
Verið þakklátar að við skulum þó eftirláta ykkur heimilið til umhyggju og aðhalds alla ævina á enda.

(P.S. Ég sé um heimilisstörfin á mínu heimili til jafns við konuna, ég þori ekki öðru)

þetta var sárt!

1. Karlmenn míga standandi, það er bara náttúrulögmál.
2. Til hvers að vaska upp ef ennþá er til hreint glas?
3. Smjör verður að geima við stofuhita annars verður það of hart.
7. Ég þekki þetta, það er ekki nóg að standa upp maður veður að taka til fótanna því kona sem er að þrífa er nokkuð sem ber að forðast.

1. Sammála Zoidberg - það er ónáttúra að míga sitjandi.
2. Þetta er bara spurning um hagkvæmni. Rétt eins og það er eðlilegra að safna ruslinu í poka í staðinn fyrir að fara sér ferð út í tunnu með hvert snitti.
3. 4. 6. og 8. Þetta er bara spurning um vana - annað hvort ganga menn frá hlutunum eða ekki. Á meðan þú sérð um þessi mál er ekki mikil von um að nokkuð breytist (ATH: Karlmenn eru ónæmir fyrir nöldri og tuði). Prófaðu mýkri gerðir af smjöri, svo að afsökun Zoidbergs hverfi og byrjaðu að slá hann leifturnöggt í höfuðið þegar hann gleymir einhverju svona.
5. Að mestu sammála Íari. Ég skipti þó þvottinum í litað (40°), hvítt og handklæði og þvæ þegar hrúgan lítur út fyrir að vera nógu stór (sjá nr. 2). Ég sé ekki vandamálið en mig grunar að rétt eins og með atriði 3.4.6.8. - einfaldar leiðbeiningar og viðurlög við að klúðra þessu geti kennt flestum á þetta.
7. Sammála Zoidberg, en til viðbótar verður að segja: KARLMENN EIGA EKKI AÐ FATTA HINT. Það bara er ekki í eðli okkar. Þið tuðið alltaf um að hreinskilni og heiðarleiki skipti öllu máli - en síðan getið þið ekki einu sinni beðið um einföldustu hluti.

Hef búið einn í nokkur ár og er bara við nokkuð góða heilsu.