Svona svona. Þetta hefði allt eins getað verið síminn minn. Og ég hefði smellt á þig kossi og boðið þér á kaffihús fyrir viðvikið!

Nú - ekki boðið mér bara til tannsa ? Málið er bara það að það á ekki að taka svona viðvik eða heiðarleika yfirleitt sem sjálfsagðan hlut - það verður til þess að fólk hættir að vera heiðarlegt. Ef það er auðveldara að vera óheiðarlegur - hvað er það þá sem stoppar mann ? Þú mátt nú samt bjóða mér í kaffi...

Þá verð ég fyrst að tína veskinu mínu. Er það ekki? Eða vilt þú ekki bara bjóða mér í kaffi?

Já ... fólk mætti alveg vera þakklátara almennt. En ég held samt að heiðarleiki sé verðlaun í sjálfu sér. Ég er að minnsta kosti með svo hræðilega mikla og sterka samvisku að ég get eiginlega ekki verið óheiðarlegur.

Auðvitað er leiðinlegt hvernig dónaskapur veður uppi. Og oft vill gleymast að gamalt fólk er ekki endilega kurteist. Svona er nú bara gangur lífsins. Gleymum því samt ekki að skv. kristinni siðfræði eru góðverk ekki unnin með von um þakkir heldur vegna sjálfra sín.

Ekki svekkja þig krumpa. Þótt þú sért fúl núna útaf vanþakklætinu mun þér líða betur í sálinni þegar frá líður, heldur en ef þú hefðir ekki gert hið rétta. Við breitum ekki rétt vegna annarra heldur vegna okkar sjálfra.
Amen.

Lómagnúpur vill meina:
"skv. kristinni siðfræði eru góðverk ekki unnin með von um þakkir heldur vegna sjálfra sín."
Það er einmitt það sem Krumpa var að gera! Annars er þetta að þróast út í að verða hinn besti "þráður" eins og sum félagsritin nú til dags.

Ég hef nú aldrei lent neitt sérstaklega illa í því vegna minnar alltof sterku samvisku, en ég tel nú ekki alveg sömu árin og þið hin.(Ekki að þið séuð gömul, bara eldri)

Þið eruð auðvitað mjög vitrir allir saman - og hefði ég hirt símann væri ég auðvitað með skelfilegan móral. Góðverk vinnur maður fyrir sjálfan sig, það er rétt, en maður fer samt að hugsa - hvað er unnið með þeim - ef þetta eru almennt viðbrögðin ?? Það er allt annað en sjálfsagt að skila síma sem maður finnur eða skilja eftir miða á bíl sem maður valtar yfir. Eða það finnst manni alla vega miðað við viðbrögðin !

Þetta var náttúrulega helber dónaskapur í stúlkunni og líka þeirri gömlu en sýnir ákveðið hugmyndaflug - stolin jólakort - ekki laust við að maður hlæji. Samviskan er annars dýru verði seld fyrir nokkrar krónur eða ómerkilegan síma. Annars fann einhver veskið mitt um daginn. Ég þakkaði innilega enda manninum málkunnug gegnum starfið en var því miður bara með kort. Hvað ætti ég að gera? Senda blóm? Gæti bara misskilist. En ég var mjög glöð og þakklát - er kannski ekkert varið í það. Ætti maður kannski bara að splæsa í heimsreisu fyrir hann og frúnna?

Sammála, Barbie. Held að þakklæti þitt sé alveg nóg - ég var í það minnsta ekki að fara fram á meira. Heimsreisa samt góð hugmynd - all vega ef kortin þín eru við betri heilsu en mín kort !

Æ þau eru óttalegir lasarusar greyin svo einfalt takk verður bara að duga. Í kaupbæti fylgir svo eitt af mínum óviðjafnanlegu brosum. Annars væri ég alveg til í heimsreisu...

Fólk er fífl og sannast það á sögunni hér að ofan. Í stað þess að þakka fyrir að fá hlutina til baka er byrjað á að ásaka þann sem finnur hlutinn og skilar honum. Fávitar.

Ég hef alltaf lifað efir þessari síðustu reglu sem þú sagðir.

Og sjáðu hvar ég stend núna!

Einu sinni kom ég að bílnum mínum þar sem hann var illa rispaður, greinilega eftir hurð á jeppa... það var miði sem á stóð hver hefði gert þetta og því hafði ég samband við stúlkuna sem hafði orðið fyrir þessu óhappi. Ég fór því með bílinn til að meta hvað tjónið var mikið og fékk ákveðna tölu frá réttingaverkstæðinu, þegar stúlkan fékk að heyra hvað þetta ætti að kosta varð hún fúl og fékk einhvern vin sinn til að kíkja á þetta og sagði hann að þetta kostaði helmingi minna en réttingaverkstæðið mitt sagði til og þó hefði ég fengið afslátt vegna kunningsskap. En þar sem stúlkan var svo góð að láta vita af þessu, lét ég það gott heita og varð því að borga helminginn sjálfur, en það var þó betra en að borga það allt sjálfur. Ég veit ekki hver er tilgangurinn með þessari sögu, en hugsanlega töpuðum við jafn mikið á þessu í staðinn fyrir að ég tapaði allri upphæðinni ef hún hefði ekki verið svona yndisleg (hefði þó getað verið enn yndislegri)... ég gaf henni þó ekki blóm og sé eftir því...

Vá - þú hefur látið fara illa með þig ! Sennilega hugsað með litla heila í þetta skiptið - eða hvað. En hvernig var það, var þessi yndislega stúlka ekki með vátryggingu ?

Þetta voru of litlar upphæðir til að fara með það í þann farveg og já ef litli heilinn er sá heili sem hugsar sem svo að fyrst góðmennskan var nóg til að láta mig vita af þessu, þá ætti hún skilið smá afslátt hvort eð er... annars læt ég alltaf gabba mig... hehe

Uss - annarlegar hvatir alltaf hjá karlmönnum - meinarðu að ef þetta hefði verið eldri karlmaður þá hefði þetta líka endað svona ? ussussuss

Ef þetta hefði verið eldri karlmaður þá hefði ekki legið neinn miði. Eldri karlmenn viðurkenna ekki mistök.

-

Varðandi þetta með símann sem þú fannst - uh þá get ég látið gæruna hverfa fyrir sanngjarnt verð!