— GESTAPÓ —
Rindill
Óbreyttur gestur.
Dagbók - 6/12/05
Andlát í aðsigi?

Mér sýnist allt á öllu að Baggalútur sé í andaslitrunum. Hverju er um að kenna? Sjálfumgleði köntrí kappanna sem telja sig ekki lengur hafa þörf fyrir þetta leiðinda lið sem hér trippar á eigin egói? Almennum leiða Baggalúta á eigin þvættingi og yfirborðlegri samheldni í gerfiveröld Lútsins? Eða er það kannski bara of þreytandi fyrir þessa tuttugu taðhausa að halda úti fleiri en einu alteregói? Eitt er víst að deyfð sú er nú hrjáir Baggalút er með eindæmum. Móðgunargirni gesta er í flestum tilfellum fáránleg. Vælukjóar á vonarvöl? Er þetta samfélag algjörlega háð guðlegri forsjón ritstjórnar sem sér sér ekki sóma sinn í að koma að árshátíð á réttum tíma, fyrir forsjárþurfandi leiðitöm lognhöfuð lútsins. Eru kannski bara allir uppteknir við sauðburð? Væri það ekki dæmigert? Lok lok og læs í stáli, Voffi skal alinn á káli...

   (1 af 4)  
6/12/05 04:00

Offari

Heyr heyr. Ég þekki ekki fortíð Baggalúts en ég held að hér komi menn og fari eftir dúk og disk sumir ílengjast aðrir staldra stutt við, en dauðinn mun aldrei verða.

6/12/05 04:00

dordingull

Gestapó hefur verið að taka við sér undanfarið eftir nokkra deyfð í vetur, finnst mér.
Það getur þó verið að ég sé bara sjálfur að hressast eftir margramánaða letikast.
Að guðirnir slái orðið slöku við er mér ómögulegt að sjá.
Stórgóðar forustugreinar og "yndislegar" fréttir Baggalúts benda ekki til þess.
Ég hef oftar en einusinni sagt að bannað væri að móðgast á Gestapó. Ef farið er yfir strikið og um augljósan ruddaskap eða rætni er að ræða í stað gríns þá grípa friðargæsluliðar eða ritstjórn í taumanna.
Reyndu svo að haga þér skikkanlega rindislegi hálfhausinn þinn.

6/12/05 04:01

Nermal

Rindill... líttu þér nær. Þú komst hér inn fyrir hart nær tveimur árum og hefur aðeins skrifað 84 innlegg og 4 félagsrit. Vert þú duglegri að skrifa áður en þú ferð að spökulera í andláti Lútsins.

6/12/05 04:01

Skabbi skrumari

Hann kemur á nokkurra mánuða fresti og segir alltaf það sama... þvílíkur kjáni.

6/12/05 04:01

Limbri

Eruð þið ennþá hérna ?

-

6/12/05 04:01

Upprifinn

Já, en var Hlebbi að hverfa?

6/12/05 04:01

Gaz

Að kvarta yfir aðgerðarleysi annara og gera lítið eða ekkert sjálfur er nokkuð aumingjalegt.

6/12/05 04:02

Haraldur Austmann

Eini sauðburðurinn hérna er þegar Rindill birtist.

6/12/05 04:02

Rindill

Haraldur Ikarus Austmann, enn og aftur bætir þú skrautfjöður á þitt fagra stél. Enn og aftur sannar Háraldur orðleikni sína og afburða íroníu. Eða þannig sko.

6/12/05 04:02

Skabbi skrumari

Ja hérna...

6/12/05 05:01

B. Ewing

miðað við skrifin sem hafa farið fram í dag á Lútnum þá er hér langt í land með að dofi og deyfð ráði ríkjum. Ég hef ekki undan að lesa, þá sérstaklega allt það sem nýji skrifóði Gestapóinn hefur að segja. Á öllum sviðum vísindaakademíunar eru komnar upp kenningar og vangaveltur sem ég vona að verði fróðlegt að lesa loksins þegar ég kemst yfir þær.

6/12/05 05:01

Texi Everto

Kannski Rindillinn sé einmitt sé að meina það. Þessi skrifóði maður virðist vera að tjá án allra hafta. Hamslaust! Hann er haldinn einhverri gríðarlegri andagift og deilir þessari andagift sinni frjálslega, þétt og örugglega yfir alla vísindaakademíuna. Ég veit hvernig er að fá sáðlát en án þess að ég viti það fyrir víst þá get ég svo svarið það að þessi maður er að fá einhverskonar andlát þarna...

6/12/05 05:01

Jóakim Aðalönd

Ég er nú ekki dauður ennþá, þannig að andlát er ekki á döfinni. Ég held að Rindill sé hlebbi eða smábaggi sem þarf að koma fram undir aukasjálfi. Skamm!

6/12/05 05:02

Nafni

djöfulsins leiðindapúki!!

Rindill:
  • Fæðing hér: 5/10/04 18:31
  • Síðast á ferli: 28/10/08 19:52
  • Innlegg: 10