Eftir prófið í dag er einungis eftir eitt próf, í náttúrufræðum. Það er þó ekki það sem vér ætluðum að skrifa um nú, heldur próf dagsins, samfélagsgreinaprófið.
Í ár var prófað í þriðja skiptið í þessu fagi og vegna þess var prófið heldur auðvelt, en vér erum eigi frá því að þetta hafi þó verið strembnasta prófið.
Að öðru. Mikil umræða hefur verið í gangi nú upp á síðkastið um undarleika prófanna, m.a. hvað þau hafa verið óeðlilega erfið, sérstaklega þar sem aumigja krakkarnir hafa lent í svo löngu verkfalli. Vér spyrjum: ,,Hvað með það?" Hafa eigi allir lent í því sama? Jú. Þá ættu allir að sitja við sama borð í prófunum.
Nú að enn öðru. Eins og kom fram áður var í ár þriðja prófið í samfélagsgreinum og hefði þá mátt ætla að nýjar spurningar kæmu í alla staði, en nei, eigi var það svo, af því að að minnsta kosti þrjár spurningar höfðu komið fyrir áður. Það má kalla lélegt af hálfu Námsmatsstofnunar, en oss finnst að líða ættu minnst tíu ár áður en spurningar verða notaðar á svona prófum er hafa komið fyrir áður.
Vér setjum punkt hér og látum svo vita um seinasta prófið eftir um það bil þrjá daga.
Lifið heil,
Fergesji.