Nú hef ég fengið nóg. Þið hafið tuðað í mér um þetta nánast stanslaust í 3 mánuði og nú skuluð þið sko fá það. Hér er andskotans pistlingurinn um vöfflur.

Það er hægt að kaupa deigið tilbúið úti í búð nú orðið. Ímyndið ykkur tækniframfarirnar sem leiddu til þess. Svo hellið þið þessu á milli tveggja heitra plata með einhvers konar rifflum eða að minnsta kosti óreglulegu yfirborði sem virðist ekkert sérlega handahófskennt.
Vöfflur fæddust í Belgíu, eða svo hefur verið haldið fram alla tíð eftir að Belgar innlimuðu þá einu þjóð sem þeir réðu við, hina fornu Vafflaka, einhvern tíman í seinni hálfleik ársins 389.
Höfuðborg Belgíu er Brussel. Þar er að finna minnismerkið Atomium:

Hæsta bygging Brussel er 150 metra hár turn sem kallast Suður Turninn. Smíði Turnsins lauk 1967.
Árið 1967 voru Friðarverðlaun Nóbels ekki veitt. Hins vegar fékk Ragnar Granit Nóbelsverðlaun fyrir læknisfræði ásamt tveimur öðrum. Annar þeirra var Georg Wald.
Georg Wald mótmælti í orði Víetnam stríðinu.
Víetnam er í sama heimshluta og Japan.
Japanskar vöfflur eru oftast fylltar með sætu baunamauki og mótaðar til að líkjast fiski. Ég veit ekki afhverju en kannski til að börnin séu líklegri til að borða þær.

Þá er þessu lokið. Vinsamlegast ekki biðja mig um að gera svona aftur.