Í fyrsta lagi ætla ég að gefa Baggalýtingum fimm stjörnur fyrir einstaka hjálpsemi, frumlegheit og fyndni að vanda. Margar góðar hugmyndir komu fram í dagsljósið og okkur þótti stórskemmtilegt að fara í gegnum tillögurnar. Best leist mér á tillögu Ívars "Central" og "Central park", en vandamálið er að staðurinn hefur áður borið mjög svipað nafn. Einnig höfðaði tillaga Jóakims með nafn á útisvæðinu, og á tímabili var líklegt að útisvæðið hlyti nafnið "Veðurstofan"

Verkefnið er komið langt á veg, okkur tókst að mála allt húsið að utan og mestallt að innan yfir síðustu helgi með hjálp góðra vina. Glöggir vegfarendur raunheima hafa kannski tekið eftir að nú stendur fagurrautt hús við Laugaveginn á stað þar sem slíkt hafði ekki sést áður, frekari staðsetning mun koma fram síðar.

Planað er að staðurinn verði opnaður (a.m.k útisvæðið) fyrir almenningi 1. maí næstkomandi, og við erum sveitt á hlaupum fram og til baka til að redda ýmsum smáatriðum. Það á ennþá eftir að versla inn allt til alls og klára að laga til, en verkið er að ganga alveg ótrúlega hratt fyrir sig. Ég mun halda áfram að veita upplýsingum hingað á lútinn, því að auðvitað eru allir hér meira en velkomnir!

Eins og málin standa núna er líklegast að staðurinn muni bera nafnið "Lystin" og útisvæðið "Lystigarður"