Fannst eiginlega bara vanta smá líf á forsíðuna...
Það var haft óformlega á orði við mig um daginn að ég tæki að mér stjórn næsta hagyrðingamóts Baggalútíu, sem yrði væntanlega hið síðasta fyrir sumarfrí. Ég hefi ákveðið að stökkva á tækifærið, hvort sem þið samþykkið það eða ekki enda sjaldan sem nýgræðingur í kvæðafaginu fær að stjórna heilum hópi af stórsnillingum á borð við þá sem finnast á síðum Gestapó.
Það er því ákveðið hér með að NÆSTA HAGYRÐINGAMÓT Í BAGGALÚTÍU FER FRAM FIMMTUDAGSKVÖLDIÐ 24. MAÍ
(fari fjöldi mótbára yfir leyfileg mörk þá er varadagsetning mánudagskvöld 28. maí (sú helgi er hvítasunnuhelgi og teygist því fram á mánudag)).
Yrkisefni verða kynnt rækilega þegar nær dregur en þangað til: SKÁL!!!
Ég er nú alveg sammála því að helgarnar henti betur en næsta helgi er afar óheppileg þar sem hún er mikil ferðahelgi og margir á þeytingi hingað og þangað og gefa sér ekki tíma til að setjast niður og yrkja eina stöku eða svo. Helgina þar á eftir er svo kominn júní og óvíst hvort við verðum hér þá, þótt við verðum e.t.v. annars staðar...
Ég hef aðeins misst af einu hagyrðingamóti síðan ég fæddist, því síðasta... [snöktir]
Ég stefni á það að missa alls ekki af þessu! En er einhver tímasetning á þessu, svona meira klukkan hvað þá? Ég mótmæli hvorki 24. né 28.
Krossgata; það er held ég klassík að byrja kl 22:00, við höfum það bara þannig!
Mikki; hagyrðingamót fara fram á þar til gerðum þræði á Skáldskaparmálum á fyrirframgefnum tíma og allir sem eru sæmilega vel yrkjandi eru meira en velkomnir. Það er fínt að lesa sig í gegnum þráðinn, þá sérðu hvernig þetta gengur fyrir sig...
Vjer stefnum að formlegri þátttöku, hvort sem mótið verður á fimmtudag eða mánudag. Fimmtudagurinn hentar oss þó að líkindum betur.