Samsæri um að menga líkamsvessa vora?
Eins og margir vita drekkum vér einungis rigningarvatn og kornbrennivín (þó vér þiggjum að sjálfsögðu aðra áfenga drykki af hefðarfólki Baggalúts, við sérstök tilefni, enda væri annað argasti dónaskapur og ósómi!).
Þegar svo ber við, að skyldur vorar eru aðkallandi, en að sama skapi sverfur hungrið að, bregðum vér á það ráð að sækja svo kallaða skyndibitastaði. Getur kostur þessara stofnana verið æði misjafn, frá hrati til þokkalegasta fæðis, en að jafnaði verðlagt svo blóðþrýstingur manns hækkar við það eitt að skoða matseðlana, ef seðla skyldi kalla.
Það sem flestir þessir staðir eiga samt sameiginlegt er að bjóða upp á tilboð og innifalið í þeim er ávalt það böl sem kallast í daglegu tali gos. Jafnvel miðað við hratið sem sumir þessara staða bjóða upp á er gos ömurlegur kostur. Þetta fúla sykurvatn mengar líkamsvessa vora og vegur að menningu og Baggalútskum gildum.
Væri nú nær að þessar stofnanir sæu sóma sinn í því að bjóða upp á rigningarvatn og kornbrennivín í tilboðum, svo mönnum sem er annt um líkamsvessa sína gætu notið pakkakjara. Hæstvirt Hamborgarabúlla nokkur býður gestum sínum reyndar að skipta út gosi fyrir óbragðbætt ropvatn, sem verður að teljast skref í rétta átt.
En betur má ef duga skal: kornbrennivín og rigningarvatn á skyndibitastaðina og í tilboðspakkana!
Ég hef heyrt því fleygt að terróristar hafi mengað rigningarský með flúorgufum. Því er ekki einu sinni óhætt að drekka rigningarvatn án þess að menga sína kæru líkamsvökva af flúori.
Heyr, heyr. Vor líkamsvessar verða haldast ómengaðir af sykur og hamborgara vezzum.
Ég tók þá ákvörðun fyrir um mánuði síðan að hætta að reykja og drekka gos.
Það er erfitt að segja hvort ég sakna meira, því bæði innihalda ávanabindandi efni. Þó held ég að ég sakni kóka kóla meira, því fátt er betra á sunnudegi en að svala þynnkunni með ísköldu og frískandi kóladrykknum.
Jahérna Hakuchi! Þá er ekkert að gera nema að drekka kornbrennivínið óblandað. Nema kannski maður fari að eyma vatn til drykkjar?
Neineinei!!! Þú skemmir þetta!
Ef þú segir Heill sé Eris, hvernig get ég þá svarað? Heilagleiki tvígangsins og þrígangsins verður að birtast í kveðjunni.
Þegar þú segir Hail Eris, þá svara ég All hail Discordia og hin heilaga tala hefur birst okkur. Gróf, og líklega slæm, þýðing væri Heill Erisi og svarað Öll hylla Discordiu.