Þá er þetta sumarfrí að enda. Skólinn og æfingarnar byrja fljótlega með öllu tilheyrandi.
Sumarfríið var bara gott í heildina séð. Ég varð mér út um fína sumarvinnu og skrapp svo erlendis rétt fyrir opnun Gestapósins. Eftir það ákvað ég að nóg væri komið af vinnu og ég fór að njóta lífsins. Langþráð hvíld. Mikið er yndislegt að geta sofið út án þess að allt verði vitlaust.
Veðrið í sumar er búið að vera frekar fínt eða að minnsta kosti ekki til að kvarta yfir. Tiltölulega fáir rigningardagar og bara heldur milt veður.
Ég vona að sumarið ykkar hafi verið jafn gott og mitt, ef ekki betra. Jafnframt óska ég öllum sem setjast á skólabekk góðs gengis þar og hinum góðs gengis í hverju sem þeir taka sér fyrir hendur.