Þjóðbók
Halldór Kiljan Laxness
nobelsskald.freeblog.tk
Hvaða erkifífli kom til hugar að gefa út úrval verka minna með einhvurri samræmingu, sem uppnefnd er nýmóðins stafsetning? Er ég einhvur fornmaður í réttritun? Ég veit ekki betur en ég hafi einmitt lagt mig fram um að rita verk mín með hámóðins stafsetningu, skiljanlegri öllum þorra manna og laungu tímabærri...
Sr. Hallgrímur Pétursson
Voðalega fer það í taugarnar á mér hvað það er glápt á mann í laugunum. Fólk kann sig ekki lengur. Það mætti halda að þetta lið hefði aldrei séð holdsveikt sálmaskáld á sundskýlu áður...
 
Jónas frá Hriflu
Nei andskotinn. Fjórar konur í ríkisstjórn! Hvað næst - karlkyns hjúkkur?
 
Jónas Hallgrímsson
Ég orti nýtt kvæði í morgun. Ég held að ég sé að ná að fullkomna stílinn.

Mér finnst gott að maula ís,

mikið fínt og gaman.

Mamma er sko í mussu úr flís,

mikið er það gaman.


Er annars að pæla í því hvort þetta „sko“ eigi kannski ekkert heima þarna. Það er náttúrulega danska.

 
Jónas Hallgrímsson
Note to self: Ekki skrifa ódauðlega sonnettu á kjörseðlinn. Það ógildir atkvæðið...
 
Halldór Kiljan Laxness
Fari það í fúlan pytt. Er nú verið að næla stórriddarakrossi á einhvurja vesturíslenska ballerínu! Isspiss. Allir geta nú feingið þetta glingur. Mín fer rakleitt á íbei eftir helgi...
 
Einar Ben
Nú er bara að hysja upp um sig buxurnar, mynda stjórn, ýta rauðsprettunum öfundsjúku endanlega út í sitt vinstra horn - og byrja að stífla fyrir einhverja alvöru...
 
Jónas frá Hriflu
Þetta voru nú ljótu úrslitin :(. Að mínir menn geti ekki einu sinni slefað formanninum inn á þing er auðvitað gersamlega glatað. Það hefði betur farið á því að hafa kind í 1. sætinu, eins og ég stakk upp á...
 
Tómas Guðmundsson
Sko til, er ekki blessuð sólin farin að skína á Reykjavíkina mína. Allt hún elskar ljúfust stjarna. Gleði barna. Angan Vesturbæjar. En mikið lifandis, skelfing vona ég að helvítis Garðabæinn rigni niður í sumar...
 
Jón Sigurðsson
Hvað á maður að kjósa af þessum liðleskjum sem í framboði eru til hins háa Alþingis? Ég hef verulega illan bifur á þessu stóði öllu. Ætli það endi ekki með því að maður skili auðu, eins og venjulega...
 
Jóhannes S. Kjarval
Mikið hlakka ég nú til að fara upp á Þingvelli og liggja þar með trönurnar fram á haust. Mála kannski soldið hraun. Bara að muna að taka með frjóofnæmispillurnar svo þetta endi ekki eins og í fyrra...
 
Hjálmar Jónsson frá Bólu
Djöfuls andskotans auðvaldspungar og gróðabísar, mergsjúgandi mann í vöku sem draumi. Réttast væri að taka þessa snápa alla sem einn og blóðflengja þá með vænum hrísvendi á fitubólginn bossann...
 
Halldór Kiljan Laxness
Þvílík ekkisens vonbrigði. Að láta þessa kotrosknu rauðbrystinga stela sigrinum, óverðskuldað, í framleingingu - hneyksli. Það held ég að ef hann Eiður okkar hefði enn verið í röðum blástakkanna hefði hann ekki látið þessa ófrýnilegu spóaleggi komast upp með viðlíka moðreyk...
 
        1, 2, 3 ... 44, 45, 46, 47  
m.baggalutur.is Facebook Tvítill Tónlist.is iTunes YouTube Instagram RSS
Fréttir
Myglar – 24.04.23
 
Enter – 31.05.21
 
Enter – 22.10.20
 
Lesbók
Enter
 
Úr þjóðbók

Sætt af honum Tarantónó að bjóða gamla manninum í áramótapartí - og öllum afastelpunum. Þetta kallar á minnst tíræða lofgjörð. Ætli maður splæsi ekki í hexameter fyrir pilt?

Svona fyrir þá sem eru að fara á límingunum út af ráðherraábyrgðinni, þá ákvað pabbi að setja fyrningarmörkin í 350 ár hjá sér.

Fátt er nú um fína þætti
flötum á skjám.
Sáttur væri, ef ég ætti
örlítið klám.

Baggalútur er hýstur af alúð og umhyggju hjá ADVANIA